കോഴിക്കോട്: എസ്.വൈ.എസ് സംസ്ഥാന കമ്മിറ്റിയുടെ സന്നദ്ധ സേവന വിഭാഗമായ ആമിലയുടെ പ്രവര്‍ത്തനങ്ങള്‍ ശാസ്ത്രീയവും വ്യവസ്ഥാപിതവുമായി ചിട്ടപ്പെടുത്തുന്നതിന് ജില്ലാ തലങ്ങളില്‍ നടക്കുന്ന ദ്വിദിന ക്യാംപുകള്‍ക്ക് തുടക്കമായി.
എറണാകുളം കളമശേരിയില്‍ സമസ്ത കേന്ദ്ര മുശാവറ അംഗം ഇ. ഹസന്‍ ഫൈസി ഉദ്ഘാടനം ചെയ്തു. ജില്ലാപ്രസിഡന്റ് എന്‍.കെ മുഹമ്മദ് ഫൈസി അധ്യക്ഷനായി. സലിം എടക്കര, ഹംസ റഹ്മാനി കൊണ്ടിപ്പറമ്പ് സംസാരിച്ചു.
കണ്ണൂര്‍ ജില്ല ക്യാംപ് ഇന്നും നാളെയും രാമന്തളിയില്‍ നടക്കും. പാലക്കാട് ക്യാംപ് നവംബര്‍ 10,11 തിയതികളില്‍ വല്ലപ്പുഴയിലും കോഴിക്കോട് ജില്ലാ ക്യാംപ് 18,19 തിയതികളില്‍ കൊടുവള്ളിയിലും നടക്കും.