പാരിസ്: ലോക ഒന്നാം നമ്പര്‍ പുരുഷ ടെന്നീസ് താരം സ്‌പെയിനിന്റെ റാഫേല്‍ നദാലിന് പരുക്ക്. പാരിസ് മാസ്റ്റേഴ്‌സ് ടൂര്‍ണമെന്റിന്റെ ക്വാര്‍ട്ടറിലേക്ക് മുന്നേറിയ താരം പോരാട്ടത്തിനിറങ്ങും മുന്‍പ് പരുക്കേറ്റതിനെ തുടര്‍ന്ന് മത്സരത്തില്‍ പിന്‍മാറുന്നതായി പ്രഖ്യാപിച്ചു.
അവസാന എട്ടിലെ പോരാട്ടത്തില്‍ ഫിലിപ്പ് ക്രജനോവിചായിരുന്നു നദാലിന്റെ എതിരാളി. അതേസമയം സീസണിലെ അവസാന പോരാട്ടമായ ലണ്ടന്‍ ടൂര്‍ ഫൈനല്‍സില്‍ കളിക്കുന്ന കാര്യത്തെ കുറിച്ച് താരം വ്യക്തമായ ഉത്തരം നല്‍കിയില്ല. വലത് കാല്‍മുട്ടിനേറ്റ പരുക്കിനെ തുടര്‍ന്നാണ് നദാലിന്റെ പിന്‍മാറ്റം.