ചങ്ങനാശേരി: നിര്‍ധന യുവതികള്‍ക്ക് ജീവിതം ഒരുക്കി ജമാഅത്ത് കമ്മിറ്റി. പഴയപള്ളി മുസ്‌ലിം ജമാഅത്തിന്റെ ആഭിമുഖ്യത്തില്‍ നിര്‍ധനരായ രണ്ടുപെണ്‍കുട്ടികളെയാണു പുതു ജീവിതത്തിലേക്കു കൊണ്ടുവരുന്നത്. ഇവരുടെ നിക്കാഹ് ഇന്നു രാവിലെ 11ന് ജമാഅത്ത് അങ്കണത്തില്‍ നടക്കും.
ജമാഅത്ത് നടത്തിവരുന്ന നിര്‍ധന യുവതികളുടെ സമൂഹ വിവാഹത്തോടനുബന്ധിച്ചാണ ് തുടര്‍ച്ചയായി രണ്ടാം വര്‍ഷവും വിവാഹം നടത്തുന്നത്.
പഴയപള്ളിയില്‍ നടക്കുന്ന ചടങ്ങുകള്‍ക്ക് ചീഫ് ഇമാം സിറാജുദ്ദീന്‍ അല്‍ഖാസിമി, അസി.ഇമാം സിറാജുദ്ദീന്‍ അല്‍ ഖാസിമി, എ.എസ്.എം ലബ്ബ തുടങ്ങിയവര്‍ കാര്‍മികത്വം വഹിക്കും. പ്രസിഡന്റ് ഹാജി എസ്.എം ഫുവാദ്, സെക്രട്ടറി മുഹമ്മദ് ഹാരിസ്, ഖജാന്‍ജി കെ.എ ഷെരീഫ്കുട്ടി, വൈസ് പ്രസിഡന്റ് ടി.കെ അന്‍സര്‍, ജോ.സെക്രട്ടറി എസ് സജിന്‍ തുടങ്ങിയവര്‍ നേതൃത്വം നല്‍കും.