മസ്കത്ത്:കോഴിക്കോട് ഉൾപ്പടെയുള്ള വിവിധ ഇടങ്ങളിലേക്കുള്ള വിമാനസർവീസുകൾക്ക് റമദാൻ പ്രമാണിച്ച് പ്രത്യേക കുറഞ്ഞ ടിക്കറ്റ് നിരക്കുകൾ ഏർപ്പെടുത്തിയതായി സലാംഎയർ അറിയിച്ചു.

ഈ പ്രത്യേക റമദാൻ പ്രചാരണപരിപാടിയുടെ ഭാഗമായി 21 ഇടങ്ങളിലേക്കാണ് സലാംഎയർ കുറഞ്ഞ വിമാന നിരക്കുകൾ പ്രഖ്യാപിച്ചിരിക്കുന്നത്. കോഴിക്കോടിന് പുറമെ തിരുവനന്തപുരം, ലക്‌നൗ, ജയ്‌പൂർ, ഹൈദരാബാദ് എന്നീ ഇന്ത്യൻ നഗരങ്ങളിലേക്കും ഈ കുറഞ്ഞ ടിക്കറ്റ് നിരക്കുകൾ ബാധകമാണ്.

احجز رحلتك المفضلة من مسقط بأسعار منخفضة في شهر رمضان! احجز ووفّر! pic.twitter.com/Uj8wLFwKkC

— SalamAir (@SalamAir) March 14, 2024

2024 മാർച്ച് 18 വരെ ബുക്ക് ചെയ്യുന്ന ടിക്കറ്റുകൾക്കാണ് ഈ പ്രത്യേക നിരക്കുകൾ ബാധകമാക്കിയിരിക്കുന്നത്. ഈ കാലയളവിൽ 2024 മാർച്ച് 14 മുതൽ മാർച്ച് 31 വരെയും ഏപ്രിൽ 16 മുതൽ 30 വരെയുമുള്ള യാത്രകൾക്കുള്ള ടിക്കറ്റുകൾ കുറഞ്ഞ നിരക്കിൽ ബുക്ക് ചെയ്യാവുന്നതാണ്.