ന്യൂഡല്‍ഹി: ഈ വര്‍ഷത്തെ പാകിസ്താന്റെ സ്വാതന്ത്ര്യദിനാഘോഷങ്ങള്‍ ഭാവിയില്‍ സ്വാതന്ത്ര്യമാവാന്‍ പോകുന്ന കശ്മീരിനു സമര്‍പ്പിക്കുന്നതായി ഇന്ത്യയിലെ പാക് ഹൈക്കമ്മിഷണര്‍ അബ്ദുള്‍ ബാസിത്.

ജമ്മു കശ്മീര്‍ വിഷയം ചര്‍ച്ച ചെയ്യാമെന്ന പാകിസ്താന്റെ ക്ഷണത്തിന് ശക്തമായ മറുപടി ഇന്ത്യ നല്‍കിയതിനു പിന്നാലെയാണ് വീണ്ടും പ്രകോപനകരമായ പ്രസ്താവനയുമായി പാകിസ്താന്‍ രംഗത്തെത്തിയത്. ഇന്ത്യ-പാക് ബന്ധത്തെ ബാധിക്കുന്ന അതിര്‍ത്തി കടന്നുള്ള ഭീകരത ഉള്‍പ്പെടെയുള്ള വിഷയങ്ങള്‍ ചര്‍ച്ച ചെയ്യാന്‍ തയ്യാറാണെന്ന മറുപടിയാണ് ഇന്ത്യ ഇതിന് നല്‍കിയത്.

യാതൊരു പ്രകോപനവും കൂടാതെ അതിര്‍ത്തിയില്‍ പാക് വെടിനിര്‍ത്തല്‍ കരാര്‍ ലംഘിച്ചതിന് തൊട്ട് പിന്നാലെയാണ് ഹൈക്കമ്മീഷ്ണറുടെ പ്രസ്താവന.