അടൂര്‍: മന്ത്രിസ്ഥാനം രാജിവച്ച ശേഷം കുട്ടനാട്ടിലേക്കു മടങ്ങിയ തോമസ് ചാണ്ടിയെ അടൂരില്‍വച്ച് യൂത്ത് കോണ്‍ഗ്രസുകാര്‍ കരിങ്കൊടി കാണിക്കുകയും ചീമുട്ടയെറിയുകയും ചെയ്തു. മുദ്രാവാക്യം വിളിച്ചെത്തിയ പ്രവര്‍ത്തകര്‍ ചീമുട്ട വാഹനത്തിനുനേരെ എറിയുകയായിരുന്നു.
ഈ സമയം പൊലിസ് സ്ഥലത്തില്ലായിരുന്നു. പിന്നീട് പന്തളത്തെത്തിയപ്പോള്‍ തോമസ് ചാണ്ടി ഔദ്യോഗിക വാഹനം മാറി മറ്റൊരു വാഹനത്തില്‍ യാത്ര തുടര്‍ന്നു. പന്തളത്തുവച്ച് മന്ത്രിയുടെ വാഹനത്തിനു പിന്നാലെ ഉണ്ടായിരുന്ന മാധ്യമ വാഹനങ്ങളെ പൊലിസ് തടഞ്ഞു.
തുടര്‍ന്ന് വൈകിട്ട് 3.15 ഓടെ ആലപ്പുഴ പുല്‍പ്പള്ളിയിലെ വീട്ടിലെത്തിയ തോമസ് ചാണ്ടി പിന്നീട് വാര്‍ത്താസമ്മേളനം നടത്തി.