കോഴിക്കോട്: ലോക സി.ഒ.പി.ഡി ദിനത്തോടനുബന്ധിച്ച് ഇഖ്‌റ ഹോസ്പിറ്റലില്‍ സൗജന്യ ശ്വാസകോശ രോഗ നിര്‍ണയ ക്യാംപും ബോധവല്‍ക്കരണ പരിപാടിയും നടന്നു. ഇഖ്‌റ ഹോസ്പിറ്റല്‍ പള്‍മണോളജി ഡിപ്പാര്‍ട്ട്‌മെന്റ്, റെസ്പിറേറ്ററി തെറാപ്പി ഡിപാര്‍ട്ട്‌മെന്റ്, ഇന്ത്യന്‍ അസോസിയേഷന്‍ ഓഫ് റെസ്പിറേറ്റി കെയര്‍ എന്നിവയുടെ സംയുക്താഭിമുഖ്യത്തില്‍ നടന്ന പരിപാടി ഇഖ്‌റ എക്‌സിക്യൂട്ടിവ് ഡയറക്ടര്‍ ഡോ. പി.സി അന്‍വര്‍ ഉദ്ഘാടനം ചെയ്തു. ക്യാംപില്‍ 200 പേര്‍ക്ക് പള്‍മണറി ഫങ്ഷന്‍ ടെസ്റ്റ് സൗജന്യമായി ചെയ്തു നല്‍കി. ശ്വാസകോശ രോഗ വിദഗ്ധരുടെ സൗജന്യ പരിശോധനയും നടന്നു.
ഡോ. മോയിന്‍കുട്ടി, ഡോ. നമിത നേതൃത്വം നല്‍കി. ബോധവല്‍ക്കരണ പരിപാടിക്ക് ആദില്‍, റസ്പിറേറ്ററി തെറാപിസ്റ്റുകളായ മുഹമ്മദ് റഇദ്, ആഷിഖ് എന്നിവര്‍ നേതൃത്വം നല്‍കി.