ആലുവ: മദ്‌റസ അധ്യാപനം ഏറ്റവും ഉത്കൃഷ്ടമായ സേവനമാണെന്നും ആ രംഗത്ത് പ്രവര്‍ത്തിക്കുന്ന അധ്യാപകര്‍ കര്‍മ്മോത്സുകരാണെന്നും അതുവഴി നല്ലൊരു സമൂഹത്തെ വാര്‍ത്തെടുക്കുവാന്‍ സാധിക്കുമെന്നും എസ്.കെ.എസ്.എസ്.എഫ് എറണാകുളം ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ ഫൈസി അഭിപ്രായപ്പെട്ടു.
എസ്.കെ.ജെ.എം ആലുവ റൈഞ്ച് വാര്‍ഷിക ജനറല്‍ ബോഡി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബോര്‍ഡ് മുഫത്തിശ് സ്വദ്‌റുദ്ദീന്‍ ബാഖവിയുടെ അദ്ധ്യക്ഷതയില്‍ ആലുവ റഫീഖുല്‍ ഇസ്‌ലാം മദ്‌റസയില്‍ ചേര്‍ന്ന യോഗത്തില്‍ റേഞ്ച് പ്രസിഡന്റ് അബ്ദുല്‍ കരീം ഫൈസി പ്രാര്‍ഥന നടത്തി.
മുജീബ് സാഹിബ് അമ്പുനാട്, അസീസ് ഹാജി സ്വാഗതവും, മഹ്മൂദ് മുസ്‌ലിയാര്‍ നന്ദിയും പറഞ്ഞു. പുതിയ ഭാരവാഹികള്‍ : അബ്ദുല്‍ കരീം ഫൈസി (പ്രസിഡന്റ്),  സി.കെ. അബ്ദുള്‍ റഹ്മാന്‍ മുസലിയാര്‍, ബഷീര്‍ അശ്‌റഫി (വൈ. പ്രസി.), അഷ്‌റഫ് ഹുദവി (സെക്രട്ടറി), അബ്ദുല്‍ ലത്വീഫ് വഹാബി, ഇബ്രാഹിം അല്‍ ഖാസിമി (ജോ. സെക്രട്ടറി), അസീസ് ഹാജി (ട്രഷറര്‍), മഹ്മൂദ് മുസ്‌ലിയാര്‍ (പരീക്ഷാ ബോര്‍ഡ് ചെയര്‍മാന്‍), ഷംസുദ്ദീന്‍ ഫൈസി, അബ്ദുല്‍ അസീസ് ബാഖവി (വൈ. ചെയര്‍മാന്‍).