തൃക്കരിപ്പൂര്‍: സ്വാതന്ത്ര്യ സമര ബലിപീഠത്തില്‍ ജീവിതം അര്‍പ്പിച്ച ധീരര്‍ക്ക് പ്രണാമമര്‍പ്പിച്ച് സ്വാതന്ത്ര്യദിന വാര്‍ഷികത്തില്‍ 69 കുട്ടികളെ അണിനിരത്തി ഉദിനൂര്‍ ഗവ.ഹയര്‍ സെക്കന്‍ഡറി സ്‌കൂളില്‍ സംഗീത വിരുന്നൊരുക്കും. പരിശീലകയായി മുന്‍ സംസ്ഥാന സ്‌കൂള്‍ കലാതിലകവും പൂര്‍വ വിദ്യാര്‍ഥിനിയുമായ ഡോ.ആതിര ആര്‍.നാഥും. ഗാനത്തിന്റെ അവസാന വട്ട പരിശീലനം ഇന്നലെ വൈകുന്നേരത്തോടെ പൂര്‍ത്തിയായി. വിവിധ വര്‍ണങ്ങളിലുള്ള വസ്ത്രങ്ങള്‍ അണിഞ്ഞു വിദ്യാര്‍ഥികള്‍ സ്വാതന്ത്ര്യ ദിനമായ ഇന്ന് സംഗീതവിരുന്ന് അവതരിപ്പിക്കും. ഗായകന്‍ സി.വിജയകുമാറിന്റെയും സി.ബിന്ദുവിന്റെയും നേതൃത്വത്തിലാണ് ഏകോപനം.