കൊച്ചി: കോഴിക്കോട് കക്കാടംപൊയില്‍ ചീങ്കണ്ണിപ്പാലിയില്‍ പി.വി. അന്‍വര്‍ എം.എല്‍.എ അനധികൃതമായി നിര്‍മിച്ച തടയണ പൊളിക്കുന്നത് ഹൈക്കോടതി തടഞ്ഞു. അന്‍വറിന്റെ ഭാര്യാ പിതാവ് നല്‍കിയ ഹരജിയിലാണ് നടപടി.

തടയണ പൊളിച്ചുനീക്കണമെന്ന് ദുരന്തനിവാരണ അതോറിറ്റി ഉത്തരവിട്ടിരുന്നു. ഉടമയുടെ സ്വന്തം ചെലവില്‍ വേണം തടയണ പൊളിക്കേണ്ടതെന്നും ഉത്തരവില്‍ പറയുന്നുണ്ട്.

തടയണ അനധികൃതമാണെന്നും പൊളിച്ചുമാറ്റണമെന്നും പെരിന്തല്‍മണ്ണ ആര്‍.ഡി.ഒയും ശുപാര്‍ശ ചെയ്തിരുന്നു. മലപ്പുറം ജില്ലാ കലക്ടര്‍ക്കാണ് ആര്‍.ഡി.ഒ റിപ്പോര്‍ട്ട് നല്‍കിയത്. ദുരന്തനിവാരണ നിയമം അട്ടിമറിച്ചാണ് തടയണ നിര്‍മിച്ചതെന്ന് റിപ്പോര്‍ട്ടില്‍ പറയുന്നുണ്ട്.