ദമാം: സമസ്ത കേരള ജംഇയ്യത്തുൽ ഉലമ നൂറാം വാർഷിക ഉദ്ഘാടന സമ്മേളന പ്രചരണത്തിന്റെ ഭാഗമായി സമസ്ത ഇസ്‌ലാമിക് സെന്റർ ദമാം സിറ്റി കമ്മിറ്റി പതാക ദിനം ആചരിച്ചു. ദമാം ദാറുൽ അമാനിൽ നടന്ന ചടങ്ങ് തർബിയ്യത്തുൽ ഇസ്‌ലാം മദ്രസ്സ സ്വദർ മുഅല്ലിം മുസ്തഫ ദാരിമി നിലമ്പൂർ ഉദ്ഘാടനം ചെയ്തു.

നൂറു വർഷം പൂർത്തിയാക്കുന്ന സമസ്ത, കേരള മുസ്‌ലിംകളുടെ വൈഞാനിക മുന്നേറ്റത്തിന് നൽകിയ പങ്ക് വിസ്മരിക്കാനാവാത്തതാണെന്നും കേരളത്തിലെ മത സൗഹാർദ്ദത്തിന് നേതൃത്വം നൽകുന്നത് സമസ്തയാണെന്നും മുസ്തഫ ദാരിമി പറഞ്ഞു.

പതാക ഉയർത്തൽ, സമ്മേളന സന്ദേശം, പ്രാർത്ഥന, ഹലാവ എന്നീ സെഷനുകളിലായി നടത്തപ്പെട്ട പരിപാടിക്ക് എസ് ഐ സി ദമാം സിറ്റി കമ്മിറ്റി പ്രസിഡന്റ് ഉമർ അലി ഹസനി അറക്കൽ അധ്യക്ഷത വഹിച്ചു. ഹുസൈൻ കഞ്ഞിപ്പുര, അസീസ് മൂന്നിയൂർ, ജുനൈദ് ഹുദവി, സലീം ഹുദവി, മുഹാജിർ കല്ലായി, മുഹമ്മദലി പാഴൂർ, അമീറലി കോഡൂർ, അലി ഊരകം, കെഎംസിസി പ്രതിനിധികൾ സംബന്ധിച്ചു. ജനറൽ സെക്രട്ടറി ശിഹാബ് താനൂർ സ്വാഗതവും ട്രഷറർ യൂനുസ് കപ്പാട് നന്ദിയും പറഞ്ഞു.