പരീക്ഷയെ പേടിക്കേണ്ട; 'വി ഹെല്‍പ്പില്‍' വിളിക്കൂ

തിരുവനന്തപുരം: എസ്.എസ്.എല്‍.സി, ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പൊതു പരീക്ഷാ സമ്മര്‍ദ്ദങ്ങള്‍ ലഘൂകരിക്കുന്നതിനായി വിദ്യാഭ്യാസ വകുപ്പ് ' വീ ഹെല്‍പ് ' എന്ന പേരില്‍ ടോള്‍ഫ്രീ ടെലിഫോണ്‍ സഹായകേന്ദ്രം ആരംഭിച്ചു.

വിദ്യാര്‍ഥികള്‍ക്കും രക്ഷിതാക്കള്‍ക്കും രാവിലെ 7 മുതല്‍ വൈകുന്നേരം 7 വരെ ഫോണില്‍ കൗണ്‍സലിങ് സഹായം ലഭ്യമാകും. നിംഹാന്‍സ് ബംഗളുരൂവില്‍നിന്ന് പരീശീലനം ലഭിച്ച സൗഹൃദ കോഡിനേറ്റര്‍മാരാണ് കൗണ്‍സിലിങിന് നേതൃത്വം നല്‍കുന്നത്.

കുട്ടികള്‍ക്കും രക്ഷകര്‍ത്താക്കള്‍ക്കും സൗജന്യമായി 1800 425 2844 എന്ന നമ്പറില്‍ വിളിക്കാം. പരീക്ഷ അവസാനിക്കുന്നതുവരെ എല്ലാ പ്രവൃത്തി ദിനങ്ങളിലും സേവനം ലഭ്യമാകും.

എല്ലാ ഹയര്‍സെക്കന്‍ഡറി സ്‌കൂളുകളിലും സൗഹൃദ കോര്‍ഡിനേറ്ററുടെ നേതൃത്വത്തില്‍ കൗണ്‍സിലിങ് ഒരുക്കിയിട്ടുണ്ട്.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക
https://chat.whatsapp.com/Ll07lGfi0WZIV4rzlNvTFZ