തിരുവനന്തപുരം: സഭയില്‍ ഭരണ- പ്രതിപക്ഷ വാക്‌പോര്. പ്രതിപക്ഷത്തെ ലക്ഷ്യമാക്കിയാണ് ഭരണപക്ഷ എം.എല്‍.എമാര്‍ ചോദ്യങ്ങള്‍ തൊടുത്ത് വിട്ടത്. പ്രതിപക്ഷ നേതാക്കള്‍ക്കെതിരായ കേസുകള്‍ ആയുധമാക്കിയാണ് ഇവര്‍ രംഗത്തെത്തിയത്.

ശക്തമായ ഭാഷയിലായിരുന്നു മുഖ്യമന്ത്രിയുടെ മരുപടി. ഉളുപ്പ് എന്ന മൂന്നക്ഷരത്തെ ബോധമില്ലാത്തവരാണ് പ്രതിപക്ഷം എന്ന് അദ്ദേഹം ആഈരോപിച്ചു. ജനങ്ങളുടെ കയ്യില്‍ നിന്ന് കരണത്തത്തടി കിട്ടിയവരാണ് പ്രതിപക്ഷത്തിരിക്കുന്നതെന്നും പ്രാദേശിക തെരഞ്ഞെടുപ്പ് ഫലം ചൂണ്ടിക്കാട്ടി അദ്ദേഹം പറഞ്ഞു. മുന്‍ സര്‍ക്കാര്‍ അഴിമതിയുടെ കൂത്തരങ്ങായിരുന്നു. ഇപ്പോള്‍ അഴിമതിയില്ലാത്ത നാടായി കേരളത്തിന്റെ യശസ്സുയര്‍ന്നുവെന്നും മുഖ്യമന്ത്രി കൂട്ടിച്ചേര്‍ത്തു.