കോഴിക്കോട്: മെഡിക്കല്‍ കോളജിലെ സെക്യൂരിറ്റി ജീവനക്കാരന്‍ സ്ത്രീയുടെ മുഖത്തടിച്ചെന്ന് പരാതി. സുല്‍ത്താന്‍ ബത്തേരി സ്വദേശിനിയായ സക്കീനക്കാണ് മര്‍ദനമേറ്റത്.

മെഡിക്കല്‍ കോളജ് മാതൃശിശു സംരക്ഷണ കേന്ദ്രത്തിലെ സെക്യൂരിറ്റി ജീവനക്കാരനാണ് മര്‍ദിച്ചത്. മകള്‍ക്ക് ഒരു ശീട്ട് നല്‍കാനായി എത്തിയപ്പോഴാണ് പുരുഷ സെക്യൂരിറ്റി ജീവനക്കാരന്‍ ഇവരെ മര്‍ദിച്ചത്.

നിരവധിയാളുകള്‍ നോക്കിനില്‍ക്കുമ്പോഴായിരുന്നു സംഭവം. പരാതി നല്‍കിയെങ്കിലും പൊലീസ് കാര്യമായ ഇടപെടല്‍ നടത്തിയില്ലെന്നും ഇവര്‍ പറഞ്ഞു.