ഭോപ്പാല്‍: സ്റ്റാന്റ് അപ് കൊമേഡിയന്‍ മുനവര്‍ ഫാറൂഖിയുടെ ജാമ്യാപേക്ഷ മധ്യപ്രദേശ് ഹൈക്കോടതി തള്ളി. ഹിന്ദു ദൈവങ്ങളെയും കേന്ദ്ര ആഭ്യന്തര മന്ത്രി അമിത് ഷായെയും അപമാനിച്ചെന്ന പരാതിയില്‍ ഈ മാസം രണ്ടിനാണ് ഫാറൂഖിയെയും സഹായികളെയും പൊലിസ് അറസ്റ്റ് ചെയ്തത്.

ബി.ജെ.പി എം.എല്‍.എ മാലിനി ലക്ഷ്മണ്‍ സിങ് ഗൗറിന്റെ മകന്‍ ഏകലവ്യ സിങ് ഗൗറാണ് പരാതിക്കാരന്‍. ബി.ജെ.പി എം.എല്‍.എയുടെ മകന്റെ പരാതിയെ തുടര്‍ന്നായിരുന്നു നടപടി.
മുനവര്‍ ഫാറൂഖിക്ക് പുറമെ, എഡ്വിന്‍ ആന്റണി, പ്രഖാര്‍ വ്യാസ്, പ്രിയം വ്യാസ്, നളിന്‍ യാദവ് എന്നിവരും അറസ്റ്റിലായിരുന്നു. കേസില്‍ തെളിവുകള്‍ ഹാജരാക്കാന്‍ പൊലിസിന് കഴിയാതിരുന്നതോടെ കേസ് മറ്റൊരു കേടതി കേസ് മാറ്റിവയ്ക്കുകയായിരുന്നു.

ഹിന്ദ് രക്ഷക് എന്ന സംഘടനയുടെ കണ്‍വീനറാണ് പരാതിക്കാരന്‍. സംഘടനയുടെ പ്രവര്‍ത്തകര്‍ കലാകാരന്മാരെ മര്‍ദ്ദിച്ചെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തിരുന്നു.