റിയാദ്: ബുധനാഴ്ച അബഹ വിമാനത്താവളത്തിന് നേരെ ആക്രമണം നടക്കുകയും വിമാനത്തിന് തീ പിടുത്തം സംഭവിക്കുകയും ചെയ്തതിനു പിന്നാലെ വ്യാഴാഴ്ച രാവിലെ വീണ്ടും സഊദിക്ക് നേരെ ഡ്രോൺ ആക്രമണ ശ്രമം. ജനവാസ കേന്ദ്രമായ ഖമീസ് മുശൈത് ലക്ഷ്യമാക്കിയാണ് രാവിലെ ആയുധ ഡ്രോൺ പറന്നെത്തിയത്. എന്നാൽ, ലക്ഷ്യം കാണും മുമ്പ് ഡ്രോൺ തകർത്തതായി അറബ് സഖ്യ സേന അറിയിച്ചു. തുടർച്ചയായ ആക്രമണം സഊദി അറേബ്യക്ക് കനത്ത ഭീഷണിയാണ് സൃഷ്ടിക്കുന്നത്.

     ഇന്നലെ ഉണ്ടായ ആക്രമണത്തിൽ അബഹ വിമാനത്താവള റൺവെയിലാണ് ഡ്രോൺ തകർത്തിട്ടത്. ഈ ആക്രമണത്തിൽ വിമാനത്തിന് തീപിടിക്കുകയും ചെയ്തിരുന്നു. ഇറാൻ നിർമ്മിത ഡ്രോൺ ആണെന്ന് സഊദി വ്യക്തമാക്കിയിരുന്നു. ഇതിന് പിന്നാലെയാണ് 24 മണിക്കൂർ കഴിയും മുമ്പ് വീണ്ടും യമനിലെ ഇറാൻ അനുകൂല ഹൂതികളുടെ ആക്രമണ ശ്രമം.