റിയാദ്: രണ്ട് വർഷം മുമ്പ് സന്ദർശക വിസയിലെത്തിയപ്പോൾ മടങ്ങിയത് തർഹീൽ വഴിയാണെന്നതിനാൽ സഊദിയിലേക്ക് പ്രവേശനം നൽകാതെ മലയാളി വീട്ടമ്മയെ റിയാദ് എയർപോർട്ടിൽ നിന്ന് നാട്ടിലേക്ക് തിരിച്ചയച്ചു. കിഴക്കൻ സഊദിയിലെ ദമാമിൽ സ​ർ​ക്കാ​ർ ആ​ശു​പ​ത്രി​യി​ൽ സ്​​റ്റാ​ഫ്​ ന​ഴ്​​സാ​യ യുവതിയുടെ പ്രസ​വാ​ന​ന്ത​ര പ​രി​ച​ര​ണ​ത്തി​നാ​യി വ​ന്ന മാതാവ് കൊച്ചി സ്വ​ദേ​ശി​നി റ​ഹീ​മ​ത്ത്​ ബീ​വി​ക്കാ​ണ്​ സഊ​ദി​യി​ൽ ഇ​റ​ങ്ങാ​നാ​വാ​തെ മടങ്ങേ​ണ്ടി​വ​ന്ന​ത്. നിയന്ത്രണങ്ങൾക്കിടെയും ആ​രോ​ഗ്യ​ പ്ര​വ​ർത്തകർക്കും അവരുടെ ബന്ധുക്കൾക്കും സഊദിയിലേക്ക് പ്രവേശനം അനുവദിക്കുന്നുണ്ട്. ഇതേ തുടർന്നാണ് മാതാ​വ്​ എ​ന്ന നി​ല​യി​ൽ വീട്ടമ്മ മകളുടെ അടുത്തേക്ക് ഇപ്പോൾ സ​ന്ദ​ർ​ശ​ന വി​സ​യി​ൽ എത്തിയിരുന്നത്.

     പൂ​ർ​ണ ഗ​ർ​ഭി​ണി​യാ​യ മ​ക​ളു​ടെ​ പ്ര​സ​വാ​ന​ന്ത​ര​മു​ള്ള പ​രി​ച​ര​ണ​ത്തി​ന്​ വേ​ണ്ടി റിയാദ് വഴി ദമാമിൽ എത്താനായിരുന്നു പദ്ധതി. റിയാദിൽ വിമാനമിറങ്ങിയ ശേഷമാണ് തടസം നേരിട്ടത്. കൂ​ടെ ഉണ്ടായിരുന്ന മ​റ്റ്​ യാത്ര​ക്കാ​രെ​ല്ലാം എ​മി​ഗ്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കി പു​റ​ത്തി​റ​ങ്ങി​യി​ട്ടും റഹീമത്ത്​ ബീ​വി​യെ കാ​ണാ​താ​യ​പ്പോ​ൾ സഹ​യാ​ത്രി​ക​ർ ദ​മാമി​ലു​ള്ള മ​ക​ളു​ടെ ഭ​ർ​ത്താ​വി​നെ വി​വ​രം അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് നടത്തിയ അന്വേഷണത്തിലാണ് പഴയ നിയമക്കുരുക്ക് മൂലം പുറത്തിറങ്ങാൻ സാധിക്കുന്നില്ലെന്ന കാര്യം ബോധ്യമായത്.

     ര​ണ്ടു വ​ർ​ഷം മു​മ്പ്​ സ​ന്ദ​ർ​ശ​ന വി​സ​യി​ൽ വ​ന്നു മ​ട​ങ്ങി​യ​പ്പോ​ൾ എ​മി​ഗ്രേ​ഷ​ൻ രേ​ഖ​ക​ളി​ൽ ബാ​ക്കി​യാ​യ നി​യ​മ​പ്ര​ശ്​​ന​മാ​ണ്​ റ​ഹീ​മ​ത്ത്​ ബീ​വി​ക്ക്​ കു​രു​ക്കാ​യ​ത്. അ​ന്ന്​ സ​ന്ദ​ർ​ശ​ന വി​സ​യു​ടെ കാ​ലാ​വ​ധി ക​ഴി​ഞ്ഞ​തി​നാ​ൽ തർ​ഹീ​ൽ വ​ഴി​യു​ള്ള എ​ക്​​സി​റ്റ്​ ന​ട​പ​ടി​ക​ളി​ലൂ​ടെ​യാ​ണ്​ ഇവർ മ​ട​ങ്ങി​യിരുന്നത്. അന്ന് നാടു​ക​ട​ത്ത​ൽ കേ​ന്ദ്രം (ത​ർ​ഹീ​ൽ) വ​ഴി നാ​ട്ടി​ലേ​ക്ക്​ തി​രി​ച്ച​യ​ക്ക​പ്പെ​ട്ട നി​യ​മ​ലം​ഘ​ക എ​ന്ന രീ​തി​യി​ലാ​ണ​ത്രെ എ​മി​ഗ്രേ​ഷ​ൻ രേ​ഖ​ക​ളി​ലു​ള്ള​ത്.

     ഈ ​രീ​തി​യി​ൽ പോ​യ​വ​ർ​ക്ക്​ പി​ന്നീ​ട്​ സഊ​ദി​യി​ൽ പ്ര​വേ​ശി​ക്കാ​ൻ വി​ല​ക്കു​ണ്ട്. ഇ​താ​ണ്​ ഇ​വ​ർ​ക്ക്​ പ്ര​തി​ബ​ന്ധ​മാ​യ​ത്. ഈ ​അവസ്ഥയിൽ എ​മി​ഗ്രേ​ഷ​ൻ ക്ലി​യ​റ​ൻ​സ്​ ന​ൽ​കി പു​റ​ത്തി​റ​ക്കാ​നാ​വി​ല്ല എ​ന്ന്​ എ​യ​ർ​പോ​ർ​ട്ട് ജ​വാ​സ​ത്ത് അ​ധി​കൃ​ത​ർ അ​റി​യി​ച്ചു. തു​ട​ർ​ന്ന്​ എ​യ​ർ​പോ​ർ​ട്ടി​ലെ ത​ർ​ഹീ​ൽ സെ​ല്ലി​ലേ​ക്ക്​ അ​വ​രെ മാ​റ്റി. മ​രു​മ​ക​ൻ നൗ​ഷാ​ദ് ദമാ​മി​ൽ​നി​ന്നും റി​യാ​ദി​ൽ എ​ത്തു​ക​യും പി​റ്റേ​ന്ന്​ രാ​വി​ലെ പു​റ​പ്പെ​ട്ട വന്ദേ ഭാ​ര​ത്‌ മി​ഷ​ൻ വ​ഴി എ​യ​ർ ഇ​ന്ത്യാ എ​ക്സ്പ്ര​സ്​ വി​മാ​ന​ത്തി​ൽ നാ​ട്ടി​ലേ​ക്ക് അ​യ​ക്കു​ക​യും ചെയ്യുകയായിരുന്നു.