ഹാൾടിക്കറ്റ് ഇന്നുമുതൽ വെബ്‌സൈറ്റിൽ
കോഴിക്കോട്
കൊവിഡ് പ്രതിസന്ധിക്കിടെ ഏറെ ആശങ്കയോടെ എസ്.എസ്.എൽ.സി പരീക്ഷയ്ക്ക് തയാറെടുക്കുന്ന വിദ്യാർഥികൾക്കായി സുപ്രഭാതം സംഘടിപ്പിക്കുന്ന എയിം എ പ്ലസ് മോഡൽ പരീക്ഷ ആറിന് നടക്കും. എസ്.എസ്.എൽ.സി പൊതുപരീക്ഷയുടെ അതേ മാതൃകയിൽ എല്ലാ മാനദണ്ഡങ്ങളും പാലിച്ചായിരിക്കും പരീക്ഷ. എസ്.കെ.എസ്.എസ്.എഫ് ട്രന്റ്, സമസ്ത എംപ്ലോയീസ് അസോസിയേഷൻ എന്നിവയുടെ സഹകരണത്തോടെ സംസ്ഥാനത്ത് 12 കേന്ദ്രങ്ങളിലായാണ് പരീക്ഷ സംഘടിപ്പിക്കുന്നത്.
ഹാൾടിക്കറ്റ്
വിദ്യാർഥികൾക്കുള്ള ഹാൾടിക്കറ്റ് ഇന്നു രാവിലെ 11 മുതൽ വെബ്‌സൈറ്റിൽ (https://digiexams.in/suprabhaatham/) ലഭ്യമാകും. വിദ്യാർഥികൾക്ക് രജിസ്‌ട്രേഷൻ സമയത്തുനൽകിയ ഫോൺ നമ്പറും ഇമെയിലും എന്റർ ചെയത് ഹാൾടിക്കറ്റ് ഡൗൺലോഡ് ചെയ്യാവുന്നതാണ്.
പരീക്ഷ
വിദ്യാർഥികൾ രക്ഷിതാക്കൾക്കൊപ്പം രാവിലെ 8.20നു മുമ്പായി പരീക്ഷാ കേന്ദ്രങ്ങളിൽ റിപ്പോർട്ട് ചെയ്യണം. വെബ്‌സൈറ്റിൽനിന്ന് പ്രിന്റ് എടുത്ത ഹാൾ ടിക്കറ്റ് ഫോട്ടോ പതിച്ച് സ്വയം സാക്ഷ്യപ്പെടുത്തി കൈയിൽ കരുതണം. ഹാൾടിക്കറ്റില്ലാതെ പരീക്ഷാ ഹാളിലേക്ക് പ്രവേശനം അനുവദിക്കില്ല.
8.30 മുതൽ പ്രമുഖ പരിശീലകരുടെ മോട്ടിവേഷൻ ക്ലാസ് നടക്കും. തുടർന്ന് രാവിലെയും ഉച്ചയ്ക്ക് ശേഷവും രണ്ടു സെഷനുകളിലായാണ് പരീക്ഷ. വിദ്യാർഥികൾക്ക് അവർ തിരഞ്ഞെടുത്ത ഏതെങ്കിലും ഒരു വിഷയത്തിൽ പരീക്ഷ എഴുതാം.
രാവിലെ 10 മുതൽ 12.45വരെ ഇംഗ്ലിഷ്, കണക്ക്, സോഷ്യൽ സയൻസ് വിഷയങ്ങളിൽ പരീക്ഷ നടക്കും. ഉച്ചയ്ക്കു ശേഷം 2 മുതൽ 3.45 വരെ ഫിസിക്‌സ്, കെമിസ്ട്രി വിഷയങ്ങളിലും പരീക്ഷ നടക്കും. ഉച്ചഭക്ഷണം വിദ്യാർഥികൾ കരുതണം. പരീക്ഷാ കേന്ദ്രങ്ങളിലേക്ക് പ്രത്യേക ഇൻവിജിലേറ്റർമാരെയും സൂപ്പർ വൈസർമാരെയും കോഓഡിനേറ്റർമാരെയും നിയമിച്ചിട്ടിണ്ട്. പരീക്ഷയ്ക്കുശേഷം വിദഗ്ധരായ അധ്യാപകരുടെ നേതൃത്വത്തിൽ സംശയ നിവാരണ ക്ലാസുകളും ഓൺലൈൻ കരിക്കുലം ക്വിസ് മത്സരവും ഉണ്ടായിരിക്കും.
പരീക്ഷാ കേന്ദ്രങ്ങൾ
കാസർക്കോട് -ചെർക്കള എസ്.എസ്.എൽ.സി ഹയർസെക്കൻഡറി സ്‌കൂൾ, കണ്ണൂർ- എളയാവൂർ സി.എച്ച്.എം ഹയർസെക്കൻഡറി സ്‌കൂൾ, വയനാട് -കൽപ്പറ്റ എച്ച്.ഐ.എം യു.പി സ്‌കൂൾ, കോഴിക്കോട്- പന്നിയങ്കര മലബാർ സെൻട്രൽ സ്‌കൂൾ, വടകര- താഴങ്ങാടി എം.യു.എം വൊക്കേഷനൽ ഹയർസെക്കൻഡറി സ്‌കൂൾ, താമശ്ശേരി- കൂടത്തായ് എജ്യുപാർക്ക്, മലപ്പുറം- പെരിന്തൽമണ്ണ എം.ഇ.എ എൻജിനീയറിങ് കോളജ്, ചെമ്മാട് -നാഷനൽ ഇംഗ്ലിഷ് മീഡിയം ഹയർസെക്കൻഡറി സ്‌കൂൾ, മഞ്ചേരി- പട്ടർക്കുളം അൽഹുദാ ഇംഗ്ലിഷ് മീഡിയം സ്‌കൂൾ, എടപ്പാൾ- ദാറുൽ ഹിദായ ഹയർ സെക്കൻഡറി സ്‌കൂൾ, പാലക്കാട്- ചെർപ്പുളശ്ശേരി മലബാർ പോളിടെക്‌നിക് കോളജ്, കോട്ടയം- എരുമേലി നയ്‌നാർ ജുമാമസ്ജിദ് ഓഡിറ്റോറിയം.
സുപ്രഭാതം
എക്‌സലൻസി അവാർഡ്
വിദ്യാർഥികൾക്ക് 15 ദിവസത്തിനകം ഫലം ലഭ്യമാകും. എയിം എപ്ലസ് പരീക്ഷയിൽ പങ്കെടുക്കുകയും എസ്.എസ്.എൽ.സി പൊതുപരീക്ഷയിൽ ഫുൾ എപ്ലസ് ലഭിക്കുകയും ചെയ്യുന്ന വിദ്യാർഥികൾക്ക് സുപ്രഭാതം എക്‌സലൻസി അവാർഡും കരിയർ ഗൈഡൻസ് ക്ലാസും നൽകും. എസ്.എസ്.എൽ.സി വിദ്യാർഥികൾക്ക് ഏറെ പ്രയോജപ്രദമാകുന്ന തരത്തിലാണ് പദ്ധതി വിഭാവനം ചെയ്തിരിക്കുന്നത്. പരീക്ഷയ്ക്കുള്ള ഒരുക്കൾ പുരോഗമിക്കുകയാണ്. സെയ്ത്തൂൻ ഇന്റർനാഷനൽ കാംപസിന്റെ സഹകരണത്തോടെയാണ് പദ്ധതി നടപ്പാക്കുന്നത്. പരീക്ഷയുടെ മുന്നോടിയായി ഫെബ്രുവരി 16 മുതൽ വിദ്യാപ്രഭാതത്തിലൂടെ പ്രമുഖ അധ്യാപകർ തയാറാക്കിയ പഠന സഹായിയും പ്രസിദ്ധീകരിച്ചുവരികയാണ്.