കോഴിക്കോട്: സന്തോഷ് ട്രോഫി ഫുട്‌ബോളില്‍ മിസോറമിനെ 5-1ന് തകര്‍ത്ത് ഗ്രൂപ്പ് ചാംപ്യന്‍മാരായി കേരളം ഫൈനല്‍ റൗണ്ടില്‍. നരേഷ് ഭാഗ്യനാഥന്‍ ഇരട്ടഗോളുകള്‍ നേടി. നിജോ ഗില്‍ബര്‍ട്ട്, ഗിഫ്ടി ഗ്രേഷ്യസ്, വിശാഖ് മോഹനന്‍ എന്നിവരും ഓരോ ഗോള്‍ വീതം നേടി.

ഗ്രൂപ്പിലെ എല്ലാ മല്‍സരങ്ങളും വിജയിച്ചാണ് കേരളത്തിന്റെ മുന്നേറ്റം. ഇതുവരെ 24 ഗോളുകള്‍ അടിച്ചുകൂട്ടിയ കേരളം രണ്ടുഗോളുകള്‍ മാത്രമാണ് വഴങ്ങിയത്. ഡല്‍ഹിയിലാണ് സന്തോഷ് ട്രോഫി ഫൈനല്‍ റൗണ്ട് മല്‍സരങ്ങള്‍.