മാള: ചിട്ടി സംഖ്യ നല്‍കാതെ സ്ഥാപനം പൂട്ടിയതിനെ തുടര്‍ന്നുള്ള പരാതിയില്‍ മാളയിലെ കരിവേലിമറ്റം കുറി കമ്പനി ഉടമക്കെതിരെ പൊലിസ് കേസെടുത്തു.
തൃക്കാക്കര സ്വദേശി കരിവേലിമറ്റം നവാസിനെതിരേയാണ് മാള പൊലിസ് കേസെടുത്തത്. മാളയിലെ കളക്ഷന്‍ സെന്ററില്‍ നിരവധി പേരാണ് ചിട്ടി ചേര്‍ന്ന് പണം അടച്ചിരുന്നത്.
എന്നാല്‍ ഉടമ സാമ്പത്തിക തട്ടിപ്പ് കേസില്‍ എറണാകുളം ജില്ലയില്‍ അറസ്റ്റിലായതോടെയാണ് ശാഖകള്‍ പൂട്ടിയത്. ഇതുമായി ബന്ധപ്പെട്ട് നിരവധി പരാതികള്‍ ലഭിച്ചെങ്കിലും ഒരു കേസ് മാത്രമാണ് എടുത്തിരിക്കുന്നതെന്ന് പൊലിസ് പറഞ്ഞു.
ഉടമ നവാസ്, മാനേജര്‍മാര്‍ എന്നിവര്‍ക്കെതിരേയാണ് കേസ് എടുത്തിരിക്കുന്നത്.