മഞ്ചേശ്വരം: മഞ്ചേശ്വരം പൊലിസ് സ്റ്റേഷന്‍ പരിധിയില്‍ വ്യാപക മണല്‍ വേട്ട. അനധികൃതമായി മണല്‍ കടത്തുകയായിരുന്ന ആറു ലോറികളും ഒരു ഓംമ്‌നി വാനും പൊലിസ് പിടികൂടി. മണല്‍ കടത്തുകയായിരുന്നവര്‍ ഓടി രക്ഷപ്പെട്ടു.
മഞ്ചേശ്വരം പൊലിസ് സ്റ്റേഷന്‍ പരിധിയിലെ വിവിധ ഭാഗങ്ങളില്‍ ഇന്നലെ പുലര്‍ച്ചെ നടത്തിയ വാഹന പരിശോധനക്കിടെയാണ് അനധികൃത മണല്‍ കടത്തു പിടിച്ചത്. കടമ്പാറിലും ഹൊസങ്കടിയിലും രണ്ടു വീതം ലോറികളാണു പിടിച്ചത്.
മഞ്ചേശ്വരത്തു രണ്ടു ലോറിയും ഒരു ഓംമ്‌നി വാനും കസ്റ്റഡിയിലെടുത്തു. മണല്‍ മോഷണം ചുമത്തിയതിനു ലോറി ജീവനക്കാര്‍ക്കെതിരേയും വാഹനങ്ങളുടെ ആര്‍.സി ഉടമകള്‍ക്കെതിരേയും കേസെടുത്തു.
മഞ്ചേശ്വരം ഭാഗത്ത് അനധികൃത മണല്‍ കടത്തു വ്യാപകമാണെന്നു നേരത്തെ തന്നെ പരാതിയുണ്ടായിരുന്നു.
കുമ്പള സി.ഐ വി.വി മനോജിന്റെ നിര്‍ദേശപ്രകാരമായിരുന്നു പരിശോധന.