മംഗലാപുരം: ബേപ്പൂരില്‍ നിന്ന് മത്സ്യബന്ധനത്തിനുപോയ പന്ത്രണ്ടുപേരെ കടലില്‍ കാണാതായി റിപ്പോര്‍ട്ട്. ബോട്ടില്‍ കപ്പലിലിടിച്ചാണ് അപകടമുണ്ടായിരിക്കുന്നത്.
വിദേശ കപ്പലാണ് ഇടിച്ചത്. മൂന്നുപേര്‍ മരിച്ചതായി സ്ഥിരീകരിക്കാത്ത റിപ്പോര്‍ട്ടുണ്ട്. എന്നാല്‍ ഇതു ശരിയല്ലെന്നു പിന്നീട് വ്യക്തമായി. ബേപ്പൂര്‍ സ്വദേശി ജാഫറിന്റെ ഉടമസ്ഥതയിലുള്ള ഐ.എസ്.ബി റബ്ബ എന്ന ബോട്ടാണ് അപകടത്തില്‍പെട്ടത്. ബോട്ടില്‍ 14 പേര്‍ ഉണ്ടായിരുന്നുവെന്നാണറിയുന്നത്. ഇവരില്‍ രണ്ടുപേരെ രക്ഷപ്പെടുത്തി. ശേഷിക്കുന്നവര്‍ക്കായി തിരച്ചില്‍ തുടരുകയാണ്.
ഏഴുപേര്‍ തമിഴ്‌നാട്ടില്‍ നിന്നുള്ള മത്സ്യത്തൊഴിലാളികളാണ്. ഏഴുപേര്‍ ഒറിസ, ബംഗാള്‍ സ്വദേശികളുമാണ്. സ്ഥലത്ത് രക്ഷാപ്രവര്‍ത്തനം ദുഷ്‌കരമാണ്. കോസ്റ്റ് ഗാര്‍ഡിന്റെ രാജ് ദൂത് ബോട്ടും ഹെലികോപ്്ടറും രക്ഷാപ്രവര്‍ത്തനം തുടരുന്നത്. പിന്നീട് മൂന്നു കപ്പല്‍കൂടിഎത്തിയിട്ടുണ്ട്. അതേ സമയം അഞ്ചുപേരെ രക്ഷപ്പെടുത്താനായതായി സ്ഥിരീകരിക്കാത്ത റിപ്പോര്‍ട്ടുണ്ട്.