ന്യൂഡല്‍ഹി: രാഷ്ട്രീയ ലോക്ദള്‍ നേതാവും മുന്‍ കേന്ദ്രമന്ത്രിയുമായ അജിത് സിംഗ് കൊവിഡ് ബാധിച്ച് മരിച്ചു. 82 വയസായിരുന്നു. ഏപ്രില്‍ 20ന് കൊവിഡ് 19 സ്ഥിരീകരിച്ച അജിത് സിംഗിനെ ശ്വാസ സംബന്ധമായ പ്രശ്‌നത്തെ തുടര്‍ന്ന് ചൊവ്വാഴ്ചയാണ് ഗുരുഗ്രാമിലുള്ള സ്വകാര്യ ആശുപത്രിയില്‍ പ്രവേശിപ്പിച്ചത്.

മകനും എം.പിയുമായ ജയന്ത് ചൌധരി ട്വിറ്ററിലൂടെയാണ് മരണവാര്‍ത്ത അറിയിച്ചത്. ''ഏപ്രില്‍ 20നാണ് ചൗധരി അജിത് സിംഗിന് കൊവിഡ് സ്ഥിരീകരിച്ചത്. അവസാന നിമിഷം വരെ അദ്ദേഹം കൊവിഡിനോട് പോരാടി. ഇന്ന് രാവിലെ വിട പറയുകയും ചെയ്തു'' ജയന്ത് ട്വിറ്ററില്‍ കുറിച്ചു. കഴിഞ്ഞ കുറച്ചു ദിവസങ്ങളിലായി അദ്ദേഹം വെന്റിലേറ്ററിലായിരുന്നുവെന്ന് അജിത് സിംഗിന്റെ പെഴ്‌സണല്‍ സെക്രട്ടറി അയച്ച സന്ദേശത്തില്‍ പറയുന്നു.

പ്രധാനമന്ത്രി നരേന്ദ്ര മോദി, പ്രതിരോധ മന്ത്രി രാജ്‌നാഥ് സിംഗ്, കോണ്‍ഗ്രസ് നേതാവ് രാഹുല്‍ ഗാന്ധി എന്നിവര്‍ അജിത് സിംഗിന്റെ മരണത്തില്‍ അനുശോചിച്ചു.

1987,1988 വര്‍ഷങ്ങളില്‍ അജിത് സിംഗ് ലോക്ദള്‍ പാര്‍ട്ടിയുടെ പ്രസിഡന്റായിരുന്നു. 1989 ല്‍ ജനതാ ദള്‍ പാര്‍ട്ടിയുടെ ജനറല്‍ സെക്രട്ടറിയായി. 1989 ല്‍ ഉത്തര്‍പ്രദേശിലെ ബാക്പത് ലോകസഭാ മണ്ഡലത്തില്‍ നിന്നും ലോകസഭയിലേക്കു തെരഞ്ഞെടുക്കപ്പെട്ടു. 1989 ഡിസംബര്‍ മുതല്‍ 1990 നവംബര്‍ വരെ വി.പി.സിങ് മന്ത്രിസഭയില്‍ വ്യവസായിക മന്ത്രിയായിരുന്നു. 1991 ലെ പൊതു തെരഞ്ഞെടുപ്പില്‍ മത്സരിച്ച് അജിത് സിങ് വീണ്ടും ലോക്‌സഭയിലെത്തിച്ചേര്‍ന്നു. 1996 ല്‍ വീണ്ടും തെരഞ്ഞെടുക്കപ്പെട്ടെങ്കിലും, 1998 ല്‍ പരാജയപ്പെട്ടു. പി.വി.നരസിംഹറാവു മന്ത്രിസഭയില്‍ വളരെ ചുരുങ്ങിയ കാലം മാത്രം ഭക്ഷ്യ വകുപ്പിന്റെ ചുമതലയുള്ള കേന്ദ്രമന്ത്രിയായിരുന്നു.

1998 ലെ തെരഞ്ഞെടുപ്പു പരാജയത്തിനു ശേഷം, അജിത് സിംഗ് രാഷ്ട്രീയ ലോക് ദള്‍ എന്നൊരു പാര്‍ട്ടി രൂപീകരിച്ചു. പിന്നീട് 1999,2004, 2009 പൊതു തിരഞ്ഞെടുപ്പുകളില്‍ മത്സരിച്ച് വീണ്ടും ലോക്‌സഭയിലെത്തി. 2001 മുതല്‍ 2003 വരെയുള്ള കാലഘട്ടത്തില്‍ അടല്‍ ബിഹാരി വാജ്‌പേയ് മന്ത്രി സഭയില്‍ കൃഷി വകുപ്പ് മന്ത്രിയായിരുന്നു. 2011 ല്‍ യു.പി.എ സര്‍ക്കാരില്‍ വ്യോമയാന വകുപ്പു മന്ത്രിയായി സേവനമനുഷ്ഠിച്ചിട്ടുണ്ട