കോഴിക്കോട്: സംസ്ഥാന സര്‍ക്കാര്‍ തിരുവനന്തപുരത്ത് നടത്തിയ കെറെയില്‍ പാനല്‍ ചര്‍ച്ച പ്രഹസനമാണെന്ന് ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍. താത്പര്യം ഇല്ലാത്തവരെ ഒഴിവാക്കി പാനലുണ്ടാക്കിയ സര്‍ക്കാര്‍ ആദ്യം പാനലില്‍ ഉള്‍പ്പെടുത്തിയവരെ പോലും ചര്‍ച്ചയില്‍ മാറ്റി നിര്‍ത്തി. ഒരു പ്രയോജനവുമില്ലാത്ത നാടകമാണിത്.

സംവാദം നടക്കുമ്പോള്‍ തന്നെ പൊലീസിനെ ഉപയോഗിച്ച് പ്രതിഷേധക്കാരെ നേരിടുകയാണ് സര്‍ക്കാരെന്നും കോഴിക്കോട് മാധ്യമപ്രവര്‍ത്തകരോട് സുരേന്ദ്രന്‍ പറഞ്ഞു.ഗുജ്‌റാത്ത് മോഡല്‍ പഠിക്കാനുള്ള കേരള സര്‍ക്കാരിന്റെ തീരുമാനം വൈകി വന്ന വിവേകമാണ്. 

അബ്ദുള്ളക്കുട്ടിയോട് സിപിഎം മാപ്പ് പറയണം. പാര്‍ട്ടി കോണ്‍ഗ്രസ് കഴിഞ്ഞപ്പോള്‍ സിപിഎമ്മിന് നേരം വെളുത്തെന്നാണ് തോന്നുന്നത്. ഗുജ്‌റാത്ത് മോഡല്‍ നടപ്പാക്കുമ്പോള്‍ എങ്കിലും അഴിമതി ഒഴിവാക്കാന്‍ ഇടതു സര്‍ക്കാര്‍ തയ്യാറാകണമെന്നും കെ സുരേന്ദ്രന്‍ പറഞ്ഞു.