ലഖ്‌നോ: മദ്യലഹരിയിലായിരുന്ന ടി.ടി.ഇ യാത്രക്കാരിയുടെ തലയില്‍ മൂത്രമൊഴിച്ചതായി പരാതി. അമൃത്‌സറില്‍ നിന്ന് കൊല്‍ക്കത്തയിലേക്ക് പോവുകയായിരുന്ന അകാല്‍ തഖ്ത് എക്‌സ്പ്രസിന്റെ എ1 കോച്ചില്‍ ഞായറാഴ്ച അര്‍ദ്ധരാത്രിയാണ് സംഭവം. അമൃത്സര്‍ സ്വദേശിയായ യുവതി ഭര്‍ത്താവിനൊപ്പം യാത്രചെയ്യുകയായിരുന്നു.

യുവതിയുടെ ബഹളം കേട്ട് തടിച്ചുകൂടിയ യാത്രക്കാര്‍ മദ്യപിച്ചെത്തിയ ബീഹാര്‍ സ്വദേശിയായ മുന്ന കുമാറെന്ന ടിടിഇയെ പിടികൂടി. തിങ്കളാഴ്ച ട്രെയിന്‍ ലഖ്‌നൗവിലെ ചാര്‍ബാഗ് റെയില്‍വേ സ്റ്റേഷനില്‍ എത്തിയപ്പോള്‍ ടിടിഇയെ റെയില്‍വേ പൊലിസിന് കൈമാറി.