ദുബൈ: ദുബൈയിലെ സിഖ് ക്ഷേത്രത്തില്‍ അന്തരിച്ച ശൈഖ് ഖലീഫയ്ക്കുവേണ്ടി പ്രത്യേക പ്രാര്‍ത്ഥന നടത്തി. 73ാം വയസ്സില്‍ വെള്ളിയാഴ്ച അന്തരിച്ച യു.എ.ഇ മുന്‍ പ്രസിഡന്റ് ഷെയ്ഖ് ഖലീഫയ്ക്ക് വേണ്ടിയാണ് ദുബൈയിലെ സിഖ് ക്ഷേത്രത്തില്‍ ഇന്നലെ ശനിയാഴ്ച പ്രത്യേക പ്രാര്‍ത്ഥനകളും അനുശോചനങ്ങളും നടത്തിയത്.

ജബല്‍ അലിയിലെ ഗുരു നാനാക് ദര്‍ബാറില്‍ രാത്രി 8 മണിക്ക് നടന്നചടങ്ങില്‍ നിരവധി വ്ശ്വാസികള്‍ പ്രാര്‍ത്ഥനയില്‍ പങ്കെടുക്കുകയും അന്തരിച്ച ഭരണാധികാരിക്ക്
ആദരാഞ്ജലികള്‍ അര്‍പ്പിക്കുകയും ചെയ്തു.യു.എ.ഇയിലെ ഹൈന്ദവ ക്ഷേത്രത്തിലും കഴിഞ്ഞ ദിവസം ശൈഖ് ഖലീഫയ്ക്കായി പ്രാര്‍ഥനകള്‍ നടന്നിരുന്നു.