മുതുകുളം: മുന്‍ പ്രധാന മന്ത്രി രാജീവ് ഗാന്ധിയുടെ 72-ാം ജന്മദിനത്തിന്റെ ഭാഗമായി മുതുകുളം ബ്ലോക്ക് പഞ്ചായത്തില്‍ 'സദ്ഭാവന ദിനം' ആചരിച്ചു. സമുദായം, മതം, പ്രദേശം, ഭാഷ തുടങ്ങിയ യാതൊരുവിധ പരിഗണനയും കൂടാതെ ഭാരതത്തിലെ എല്ലാ വിഭാഗം ജനങ്ങളുടെയും ഐക്യത്തിനും സൗഹാര്‍ദ്ദത്തിനും വേണ്ടി അര്‍പ്പണ ബോധത്തോടെ പ്രവര്‍ത്തിക്കുമെന്ന് പ്രതിജ്ഞ എടുത്തു. ബ്ലോക്ക് പഞ്ചായത്ത് വൈസ് പ്രസിഡന്റ് എന്‍. സോമലത അദ്ധ്യക്ഷത വഹിച്ചു.
  ബ്ലോക്ക് പഞ്ചായത്ത് പ്രസിഡന്റ് അഡ്വ. ബിപിന്‍ സി ബാബു ഉദ്ഘാനം ചെയ്തു. ആര്‍.ആനന്ദന്‍, അംബുജാക്ഷി ടീച്ചര്‍, ബി.വേണുപ്രസാദ്, ഷൈമോള്‍ നന്ദകുമാര്‍, കെ.എസ്. ഷാനി, ബ്ലോക്ക് ഡെവലപ്പ്‌മെന്റ് ആഫീസര്‍ വി.ആര്‍. രാജീവ്, തുടങ്ങിയവര്‍ പങ്കെടുത്തു.