കുന്നംകുളം:  ചെറുതുരുത്തി വട്ടക്കായല്‍ കോള്‍പടവിലെ പാടത്ത് പ്‌ളാസ്റ്റിക് മാലിന്യം ഉള്‍പ്പെടെയുള്ള മാലിന്യം തള്ളി. ചെറുതുരുത്തി -ഐന്നൂര്‍ റോഡരികിലെ പാടത്താണ് മാലിന്യം ഇട്ടിരിക്കുന്നത്.
കഴിഞ്ഞ സീസണില്‍ സമീപ പാടങ്ങളില്‍ കൃഷി ഇറക്കിയിരുന്നു. സ്വകാര്യ വ്യക്തിയുടെ പാടത്ത് മാലിന്യം തള്ളിയതോടെ സമീപത്തെ കര്‍ഷകര്‍ ദുരിതത്തിലായി. മാലിന്യം സമീപത്തെ പാടത്തേക്ക് ഒഴുകുന്നതോടെ വരും വര്‍ഷം കൃഷി ഇറക്കാന്‍ ബുദ്ധിമുട്ടാകുമെന്ന് കര്‍ഷകര്‍ പറയുന്നു. മാലിന്യം തള്ളിയവര്‍ക്കെതിരേ നടപടിയെടുക്കണമെന്ന് കര്‍ഷകര്‍ ആവശ്യപ്പെട്ടു.