സോളാര്‍ കേസ് അന്വേഷിച്ച റിട്ട.ഡി.വൈ.എസ്.പി ട്രെയിന്‍ തട്ടി മരിച്ച നിലയില്‍

ആലപ്പുഴ: സോളാര്‍ കേസിലെ അന്വേഷണ ഉദ്യോഗസ്ഥനായിരുന്ന റിട്ടയേഡ് ഡി.വൈ.എസ്.പി കെ ഹരികൃഷ്ണനെ ട്രെയിന്‍ തട്ടി മരിച്ച നിലയില്‍ കണ്ടെത്തി. കായംകുളം രാമപുരത്തെ റെയില്‍വേ ലെവല്‍ ക്രോസില്‍ ഇന്ന് പുലര്‍ച്ചെയോടെയാണ് മൃതദേഹം കണ്ടെത്തിയത്. ഇദ്ദേഹത്തിന്റെ കാര്‍ അപകടമുണ്ടായ സ്ഥലത്തിന് സമീപം നിര്‍ത്തിയിട്ട നിലയില്‍ കണ്ടെത്തി.

ഇദ്ദേഹത്തിന്റെ മരണം ആത്മഹത്യയാണെന്നാണ് സൂചന. ആത്മഹത്യാ കുറിപ്പ് കണ്ടെത്തി. ഇദ്ദേഹം അടുത്തിടെ കടുത്ത മാനസിക സംഘര്‍ഷത്തിലായിരുന്നുവെന്നാണ് ബന്ധുക്കള്‍ പറയുന്നത്. ഹരിപ്പാട് സ്വദേശിയായ ഹരികൃഷ്ണന്‍ പെരുമ്പാവൂര്‍ ഡി.വൈ.എസ്.പി ആയിരിക്കെ സോളാര്‍ കേസ് അന്വേഷണ ഉദ്യോഗസ്ഥനായിരുന്നു.