റിയാദ്: ആത്മഹത്യാ പ്രവണത കുറഞ്ഞ രാജ്യങ്ങളില്‍ സഊദി അറേബ്യ മുന്നിലെന്ന് ലോകാരോഗ്യ സംഘടന. ഏറ്റവും കൂടുതല്‍ ആത്മഹത്യ നടക്കുന്ന പട്ടികയില്‍ സഊദിയുടെ സ്ഥാനം ഏറ്റവും ഒടുവിലാണ്. വര്‍ഷത്തില്‍ 100,000 ആളുകളില്‍ 0.4 കേസുകള്‍ മാത്രമാണ് സഊദിയില്‍ ഉള്ളത്.

തെക്കന്‍ കൊറിയയാണ് ഏറ്റവും കൂടുതല്‍ ആത്മഹത്യ നടക്കുന്ന രാജ്യം. വര്‍ഷത്തില്‍ 100,000 ആളുകളില്‍ 28.9 പേരാണ് ഇവിടെ ആത്മഹത്യ ചെയ്യുന്നത്. രണ്ടാം സ്ഥാനം ഇന്ത്യക്കാണ്, 21 പേര്‍ . റഷ്യ(21 ), ജപ്പാന്‍ (18 ),അമേരിക്ക ,ഫ്രാന്‍സ് (12), തുര്‍ക്കി (8 ), ബ്രിട്ടന്‍, ഇസ്‌റാഈല്‍ (6 ), സഊദി അറേബ്യ (0.4 ) എന്നിങ്ങനെയാണ് ലോകാരോഗ്യ സംഘടന പുറത്തിറക്കിയ പട്ടിക.
ലോകത്താകമാനം വര്‍ഷത്തില്‍ 800,000 ആത്മഹത്യകളാണ് നടക്കുന്നതെന്ന് ലോകാരോഗ്യ സംഘടനാ പറയുന്നു. എന്നാല്‍ സാമ്പത്തികം, വയസ്സ് അടിസ്ഥാനത്തില്‍ കണക്കുകള്‍ കൂടുകയോ കുറയുകയോ ചെയ്‌തേക്കാം. 15 മുതല്‍ 25 വരെയുള്ള യുവാക്കളെ മരണത്തിലേക്ക് നയിക്കുന്ന ഘടകങ്ങളില്‍ രണ്ടാമത്തേത് ആത്മഹത്യയാണെന്നും ഡബഌൂ.എച്ച.ഒ വ്യക്തമാക്കുന്നുണ്ട്.

ആത്മഹത്യയിലേക്ക് ആളുകള്‍ തിരിയാനുള്ള പ്രധാന കാരണം മാനസികാവസ്ഥക്കു വരുന്ന മാറ്റങ്ങളാണെന്നു ജിദ്ദ കിംഗ് അബ്ദുള്‍ അസീസ് യൂണിവേഴ്‌സിറ്റി മാനസികാരോഗ്യ അസ്സിസ്റ്റന്റ് പ്രൊഫസര്‍ യസീദ് മുഹമ്മദ് അല്‍ ശഹ്‌രി അഭിപ്രായപ്പെട്ടു. സമയാ സമയങ്ങളിലുള്ള ഇസ്‌ലാമിന്റെ പ്രാര്‍ത്ഥനകള്‍ മനുഷ്യന്റെ മാനസിക സമ്മര്‍ദ്ദങ്ങള്‍ക്ക് ആശ്വാസമാകുമെന്നതാണ് ഇസ്‌ലാമിന്റെ ഏറ്റവും വലിയ ഘടകമെന്നും അദ്ദേഹം പറഞ്ഞു. മാത്രമല്ല ശരീരത്തെ വേദനിപ്പിക്കുന്നതോ സ്വയം, കൊല്ലുന്നതായോ ആയ പ്രവണത ഇസ്‌ലാം കണിശമായി നിരോധിച്ചതാണെന്നും അതിനാലാണ് രാജ്യത്ത് ആത്മഹത്യ ഇല്ലാത്തതെന്നും അദ്ദേഹം പറഞ്ഞു