ദുബൈ: സമസ്ത കേരള ജംഇയ്യത്തുല്‍ ഉലമയുടെ നൂറാം വാര്‍ഷികത്തോടനുബന്ധിച്ച് ദുബൈ സുന്നി സെന്ററിന്റെ ആഭിമുഖ്യത്തില്‍ പ്രബന്ധ രചനാ മത്സരം നടത്തുന്നു. സുന്നി സെന്ററിന്റെ ദീര്‍ഘകാലത്തെ പ്രസിഡണ്ടായിരുന്ന മര്‍ഹൂം സയ്യിദ് ഹാമിദ് കോയമ്മ തങ്ങള്‍ മെമ്മോറിയല്‍ എക്‌സലന്‍സി അവാര്‍ഡിന് വേണ്ടി ' സമസ്ത നൂറിന്റെ നിറവില്‍; പാരമ്പര്യ സംരക്ഷണവും നവോത്ഥാനവും' എന്ന വിഷയത്തില്‍ നടക്കുന്ന പ്രബന്ധ മത്സരത്തില്‍ മുപ്പത് വയസ്സിന് താഴെയുള്ള ആര്‍ക്കും പങ്കെടുക്കാവുന്നതാണ്.

ആദ്യ മൂന്ന് സ്ഥാനക്കാര്‍ക്ക് ഇരുപത്തയ്യായിരം,പതിനയ്യായിരം,പതിനായിരം രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. മലയാള ഭാഷയില്‍ പതിനഞ്ച് പേജില്‍ കവിയാതെ തയ്യാറാക്കിയ സൃഷ്ടികള്‍ ജൂലൈ പതിനഞ്ചിന് മുന്‍പായി [email protected] എന്ന അഡ്രസ്സിലേക്ക് വയസ്സ് തെളിയിക്കുന്ന രേഖയോടൊപ്പം അയക്കേണ്ടതാണ്. പ്രമുഖ എഴുത്തുകാരും ചിന്തകരുമടങ്ങുന്ന സമിതിയാണ് അവാര്‍ഡ് ജേതാക്കളെ തെരെഞ്ഞെടുക്കുക. കൂടുതല്‍ വിവരങ്ങള്‍ക്ക് + 971505753028, + 971562694063 എന്നീ നമ്പറുകളില്‍ ബന്ധപ്പെടാവുന്നതാണ്.