ട്രക്ക് മറിഞ്ഞ് റോഡിലൊഴുകിയത് 22 ടണ്‍ പശ; നീങ്ങാനാവാതെ നൂറുകണക്കിന് വാഹനങ്ങള്‍

വെല്ലിങ്ടണ്‍: ട്രക്ക് മറിഞ്ഞ് റോഡില്‍ 22 ടണ്‍ പശയൊഴുകി. ന്യൂസിലാന്റിലെ സൗത് ഓക്‌ലാന്റ് ഹൈവേയിലാണ് സംഭവം. ഇതോടെ വാഹനങ്ങള്‍ യാത്ര തുടരാന്‍ സാധിക്കാതെ റോഡില്‍ കുടുങ്ങി. 22 ടണ്‍ കാര്‍പെറ്റ് ഗ്ലൂവാണ് സംസ്ഥാന പാത 20 ന് സമീപം കാവന്‍ഡിഷ് ഡ്രൈവില്‍ ഒഴുകിയത്. ചക്രം മുകളിലേക്കും കണ്ടെയ്‌നര്‍ തുറന്ന നിലയില്‍ താഴേക്കുമായാണ് ട്രക്ക് മറിഞ്ഞു കിടന്നിരുന്നത്.

UPDATE 10:35AM
Spillage clean-up at this crash site will continue for some time today. Expect southbound delays on #SH20 from Massey Rd and diversions and delays on Cavendish Dr. Avoid this area or allow extra time. ^HJ https://t.co/f9ZUlir1Lf

— Waka Kotahi NZTA Auckland & Northland (@WakaKotahiAkNth) June 6, 2023

പശ ഒഴുകുന്നതിനാല്‍ റോഡിലൂടെ മറ്റ് വാഹനങ്ങള്‍ക്ക് സഞ്ചരിക്കാന്‍ സാധിച്ചില്ല. ന്യൂസിലാന്റ് ഫയര്‍ ആന്റ് എമര്‍ജന്‍സി സംഘം സ്ഥലത്തെത്തി റോഡില്‍ നിന്ന് പശ നീക്കം ചെയ്യുന്ന നടപടികള്‍ ആരംഭിച്ചു. റോഡ് വൃത്തിയാക്കാന്‍ സമയമെടുക്കുമെന്ന് ന്യൂസിലാന്റ് ട്രാന്‍സ്‌പോര്‍ട്ട് ഏജന്‍സി ട്വീറ്റ് ചെയ്തു. റോഡിലൂടെയുള്ള ഗതാഗതം അതുവരെ നിര്‍ത്തിവെക്കുകയും വാഹനങ്ങള്‍ വഴിതിരിച്ചു വിടുകയും ചെയ്യുമെന്ന് അധികൃതര്‍ വ്യക്തമാക്കി.