പ്രായപൂര്‍ത്തിയാകാത്ത പെണ്‍കുട്ടികളെ വാടക ടെന്‍ഡിലെത്തിച്ചു; ബീഹാര്‍ സ്വദേശികള്‍ അറസ്റ്റില്‍

കൊച്ചി: പ്രായപൂര്‍ത്തിയാകാത്ത പെണ്‍കുട്ടികളുമായി കേരളത്തിലെത്തിയ അന്യസംസ്ഥാന തൊഴിലാളികള്‍ പൊലിസ് പിടിയില്‍. എറണാകുളം പുറയാറില്‍ അതിഥി തൊഴിലാളികള്‍ താമസിക്കുന്ന സ്വകാര്യ വ്യക്തിയുടെ വാടക ടെന്‍ഡില്‍ നിന്നാണ് സ്‌കൂള്‍ യൂണിഫോം ധരിച്ച 13 കാരിയെയും 17 കാരിയെയും കണ്ടെത്തിയത്. പശ്ചിമ ബംഗാള്‍ സ്വദേശികളാണ് കുട്ടികള്‍. സംഭവത്തില്‍ രണ്ട് ബീഹാര്‍ സ്വദേശികളെയാണ് പൊലിസ് അറസ്റ്റ് ചെയ്തത്.

കുട്ടികളുമായി യുവാക്കള്‍ ഗാന്ധി പുരത്തെത്തിയ വിവരം പുറയാറിലെ അന്യസംസ്ഥാന തൊഴിലാളികളാണ് നാട്ടുകാരെ അറിയിച്ചത്. ഇന്നലെ രാത്രി 7.30 ഓടെയായിരുന്നു സംഭവം. തുടര്‍ന്ന് നെടുമ്പാശ്ശേരി പൊലിസെത്തി ഇരുവരെയും കസ്റ്റഡിയിലെടുത്തു. പെണ്‍കുട്ടികളെ ജുവനൈല്‍ ഹോമിലേക്ക് മാറ്റി.