ചേവായൂര്‍: മെഡിക്കല്‍കോളജ്- രാമനാട്ടുകര റൂട്ടില്‍ സര്‍വിസ് നടത്തുന്ന സുല്‍ത്താന്‍ ബസില്‍ ഈ മാസം 15 ന്  മുഴുവന്‍ യാത്രക്കാര്‍ക്കും സൗജന്യയാത്ര നടത്തിയിരുന്നു.അതില്‍ ഈ വര്‍ഷത്തെ സ്വാതന്ത്ര്യദിനത്തില്‍  വിദ്യാര്‍ഥികള്‍ക്ക് ഒരു പെട്ടിവച്ച് കൂപ്പണുകള്‍ വിതരണം ചെയ്തിരുന്നു.
പെട്ടിയില്‍ നിക്ഷേപിച്ച  കൂപ്പണുകളില്‍നിന്ന് നറുക്കിട്ടെടുത്ത പത്ത് വിദ്യാര്‍ഥികള്‍ക്കാണ് ഒരു വര്‍ഷം മുഴുവന്‍ സൗജന്യ യാത്ര എന്ന  പദ്ധതി ഒരുക്കിയത്. നറുക്കെടുപ്പിന്റെ ഉദ്ഘാടനം മെഡിക്കല്‍ കോളജ് എ.എസ്.ഐ കെ. സുബൈര്‍  നിര്‍വഹിച്ചു. കൗണ്‍സിലര്‍ എം.എം പത്മാവതി അധ്യക്ഷയായി. സി.പി.ഒ പ്രഭീഷ്, കെ.പി അബ്ദുല്‍  ലത്തീഫ്, കെ.പി സന്തോഷ്, ടി.പി ഇബ്രാഹീം സംസാരിച്ചു.