തിരുവനന്തപുരം: എ.കെ.ജി സെന്റര്‍ ആക്രമണത്തിന് പിന്നില്‍ ഇ.പി ജയരാജനാണെന്ന് കെ.പി.സി.സി അധ്യക്ഷന്‍ കെ. സുധാകരന്‍. അതുകൊണ്ടാണ് ഒരുമാസമായിട്ടും പോലിസ് പ്രതിയെ പിടിക്കാത്തതെന്നും ആരെക്കൊണ്ടാണ് ഇത് ചെയ്യിപ്പിച്ചതെന്ന് ഇ.പി തന്നെ പറയണമെന്നും സുധാകരന്‍ പറഞ്ഞു.

എ.കെ.ജി സെന്റര്‍ ആക്രമണത്തിന് പിന്നാലെ സംഭവത്തിന് പിന്നില്‍ കോണ്‍ഗ്രസുകാരാണെന്ന് പറഞ്ഞ ജയരാജന്‍ കലാപാഹ്വാനമാണ് നടത്തിയത്. ഇതോടെ നിരവധി കോണ്‍ഗ്രസ് ഓഫീസുകള്‍ ആക്രമിക്കപ്പെട്ടു. ജയരാജനെതിരേ നിയമനടപടി ആലോചിക്കുമെന്നും സുധാകരന്‍ പറഞ്ഞു.