മലപ്പുറം: യുഡിഎഫ് പ്രവേശനം എന്ന വാതിൽ അടഞ്ഞതോടെ സ്വന്തമായി പുതിയ മുന്നണിയ്ക്ക് നേതൃത്വം നൽകാൻ തൃണമൂൽ കോൺഗ്രസ് സംസ്ഥാന കൺവീനർ പി.വി അൻവർ. 'ജനകീയ പ്രതിപക്ഷ പ്രതിരോധ മുന്നണി' എന്ന ലേബലിലാകും താൻ നിലമ്പൂരിൽ നിന്ന് ജനവിധി തേടുക എന്ന് പി.വി അൻവർ വാർത്ത സമ്മേളനത്തിൽ പറഞ്ഞു. തൃണമൂൽ കോൺഗ്രസിന്റെ നേതൃത്വത്തിലായിരിക്കും മുന്നണിയുടെ പ്രവർത്തനം തുടരുക എന്നും അൻവർ അറിയിച്ചു.

തൃണമൂൽ കോൺഗ്രസിനും അൻവറിനും ലഭിക്കുന്ന വോട്ടുകൾക്ക് പുറം തെരഞ്ഞെടുപ്പിൽ മത്സരിക്കാത്ത മറ്റു പാർട്ടികളുടെ വോട്ടുകൾ കൂടി ലക്ഷ്യമിട്ടാണ് മുന്നണി രൂപീകരണം. മുന്നാം മുന്നണി എന്ന വിശാല ലക്ഷ്യം കൂടി അൻവർ മുന്നിൽ കാണുന്നു. നിരവധി ചെറിയ സംഘടനകൾ കൂടി മുന്നണിയുടെ ഭാഗമായേക്കും. ആം ആദ്മി പാർട്ടി മുന്നണിയുടെ ഭാഗമായേക്കും എന്നാണ് വിവരം. 

മൂന്നാം മുന്നണി രൂപീകരിക്കുമെന്ന് പറഞ്ഞ അൻവർ എൽഡിഎഫ്, യുഡിഎഫ് മുന്നണികൾക്കെതിരെ വീണ്ടും വിമർശനം ഉന്നയിച്ചു. രണ്ട് മുന്നണിയിലെയും നേതാക്കൾ കാട്ടി കൂട്ടിയ പലതിൻറേയും തെളിവുകൾ തൻറെ പക്കലുണ്ടെന്നും വേണ്ടി വന്നാൽ നിലമ്പൂർ അങ്ങാടിയിൽ ടി.വി വെച്ച് കാണിക്കുമെന്നും പി.വി അൻവർ പറഞ്ഞു. വീണ്ടും പ്രതിപക്ഷ നേതാവ് വി.ഡി സതീശനെ കടന്നാക്രമിച്ച അൻവർ, സതീശനെ ഒഴിവാക്കിയാലേ യുഡിഎഫ് രക്ഷപ്പെടൂ എന്നും പറഞ്ഞു. 

ALSO READ: അൻവറിന് എന്നോട് വ്യക്തിപരമായ വിരോധമില്ല; പ്രശ്‌നങ്ങൾ ഉണ്ടെങ്കിൽ പരിഹരിച്ച് രാഷ്ട്രീയ പോരാട്ടത്തിന് തയ്യാറാകണ: എം. സ്വരാജ്

അതേസമയം, തൃണമൂൽ കോൺ​ഗ്രസ് സ്ഥാനാർഥിയായി പി.വി അൻവർ ഇന്ന് നാമനിർദ്ദേശ പത്രിക സമർപ്പിക്കും. നിലമ്പൂർ താലൂക് ഓഫീസിൽ എത്തിയാണ് പത്രിക സമർപ്പിക്കുക. നിലമ്പൂർ ചന്തക്കുന്നിൽ നിന്നും പ്രവര്ത്തകർക്ക് ഒപ്പം പ്രകടനമായി എത്തിയാകും നാമനിർദ്ദേശ പത്രിക സമർപ്പിക്കുക. പി.വി അൻവർ കൂടി മത്സരരംഗത്തേക്ക് എത്തിയതോടെ സമീപകാലത്ത് കേരളം കണ്ട ഏറ്റവും വലിയ ഉപതിരഞ്ഞെടുപ്പ് പോരാട്ടമാണ് നിലമ്പൂരിൽ നടക്കുന്നത്. കേരളത്തിലെ പ്രബലരായ എൽഡിഎഫ്, യുഡിഎഫ് മുന്നണികൾക്ക് പുറമെ ബിജെപിയുടെ എൻഡിഎ സഖ്യം, എസ്ഡിപിഐ എന്നിവയും മത്സര രംഗത്തുണ്ട്. ഈ നിരയിലേക്കാണ് കേരളത്തിലെ തെരഞ്ഞെടുപ്പ് ചരിത്രത്തിൽ ഇടമില്ലാതിരുന്ന തൃണമൂൽ കോൺഗ്രസുമായി അൻവർ എത്തുന്നത്.

Trinamool Congress state convenor P.V. Anwar has announced his decision to lead a new independent political front. He stated at a press conference that he will contest from Nilambur under the banner of the "Janakeeya Prathipaksha Prathirodha Munnani" (People's Opposition Resistance Front).