ന്യൂഡല്‍ഹി: ശാരദ ചിട്ടി തട്ടിപ്പുകേസില്‍ മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ പി. ചിദംബരത്തിന്റെ ഭാര്യയും അഭിഭാഷകയുമായ നളിനി ചിദംബരത്തിന് സമന്‍സ്. കേസ് അന്വേഷണത്തിന്റെ ഭാഗമായി ചോദ്യംചെയ്യലിന് ഹാജരാകാനാണ് എന്‍ഫോഴ്‌സ്‌മെന്റിന്റെ നിര്‍ദേശം. സെപ്റ്റംബര്‍ ആദ്യവാരം കൊല്‍ക്കത്തയിലെ എന്‍ഫോഴ്‌സ്‌മെന്റ് ഡയറക്ടറേറ്റ് ഓഫിസില്‍ ഹാജരാകണമെന്നാണ് ആവശ്യപ്പെട്ടിട്ടുള്ളത്. ശാരദാ ചിട്ടി ഫണ്ടിലേക്ക് വന്ന 1.26 കോടി രൂപ സംബന്ധിച്ച വിവരങ്ങളാണ് നളിനിയില്‍ നിന്ന് എന്‍ഫോഴ്‌സ്‌മെന്റ് തേടുക. നേരത്തെയും ഇതേ വിഷയത്തില്‍ നളിനിയില്‍ നിന്ന് സി.ബി.ഐയും എന്‍ഫോഴ്‌സ്‌മെന്റും മൊഴിയെടുത്തിയിരുന്നു.
പുതിയ തെളിവുകളുടെ അടിസ്ഥാനത്തിലാണ് വീണ്ടും മൊഴിയെടുക്കുന്നതെന്ന് എന്‍ഫോഴ്‌സ്‌മെന്റ് വൃത്തങ്ങള്‍ സൂചിപ്പിച്ചു.