റിയാദ്: എതോപ്യ, യു.എ.ഇ അടക്കം നാലു രാജ്യങ്ങളില്‍ നിന്ന് സഊദിയിലേക്ക് പ്രവേശനം വിലക്ക് ഏർപ്പെടുത്തി. വിയറ്റ്‌നാം, അഫ്ഗാനിസ്ഥാന്‍ എന്നിവയാണ് മറ്റ് രണ്ട് രാജ്യങ്ങള്‍. കൊവിഡ് വ്യാപനം കടുക്കുന്നതും ജനിതക മാറ്റം വന്ന വൈറസിന്റെ സാന്നിധ്യവുമാണ് പുതിയ തീരുമാനത്തിന് കാരണം. ഇവിടങ്ങളില്‍ നിന്നുള്ള വിമാനങ്ങള്‍ക്ക് സഊദി അറേബ്യയിലേക്ക് വിലക്ക് ഏര്‍പ്പെടുത്തിയതിന് പുറമെ ഈ രാജ്യങ്ങളിലേക്ക് പോകാന്‍ സഊദി പൗരന്മാര്‍ പ്രത്യേക അനുമതി വാങ്ങണമെന്നും നിർദേശമുണ്ട്.

ഞായറാഴ്ച രാത്രി പതിനൊന്നു മണി മുതലാണ് വിലക്ക് പ്രാബല്യത്തിൽ വരിക. ഈ രാജ്യങ്ങളിൽ 14 ദിവസത്തിനുള്ളിൽ പ്രവേശിച്ചവർക്കും പ്രവേശനം അനുവദിക്കുകയില്ല. സഊദി പൗരന്മാർ അല്ലാത്തവർക്ക് ഈ രാജ്യങ്ങൾക്ക് പുറമെ പതിനാല് ദിവസം താമസിച്ച ശേഷം മാത്രമേ ഉപാധികളോടെ സഊദിയിലേക്ക് ക്വാറന്റൈൻ വ്യവസ്ഥകളോടെ പ്രവേശനം അനുവദിക്കൂ.