അടുത്ത വര്‍ഷത്തെ എസ്.എസ്.എല്‍.സി പരീക്ഷാ മാനുവല്‍ പ്രകാരം: വിദ്യാഭ്യാസ മന്ത്രി

തിരുവനന്തപുരം: അടുത്ത അധ്യയന വര്‍ഷത്തെ എസ്.എസ്.എല്‍.സി പരീക്ഷ മാനുവല്‍ പ്രകാരം നടത്താന്‍ കഴിയുമെന്നാണ് പ്രതീക്ഷയെന്ന് മന്ത്രി വി.ശിവന്‍കുട്ടി. മാനുവലിന്റെ കരട് തയാറായി. 2005ല്‍ നിലവില്‍ വന്ന ഹയര്‍സെക്കന്‍ഡറി പരീക്ഷാമാനുവല്‍ 2021 ജനുവരി 18ന് പുതുക്കിയ സാഹര്യത്തില്‍ പുതിയ മാനുവലിന്റെ ആവശ്യമില്ല.

സംസ്ഥാനത്ത് 4041 വി.എച്ച്.എസ്.ഇ, പ്ലസ് വണ്‍ സീറ്റുകള്‍ ഒഴിഞ്ഞുകിടക്കുന്നതായും മന്ത്രി അറിയിച്ചു. കൊല്ലം ജില്ലയിലാണ് കൂടുതല്‍ സീറ്റുകള്‍ ഒഴിഞ്ഞുകിടക്കുന്നത് – 570 എണ്ണം. കോഴിക്കോടാണ് കുറവ്.

എസ്.എസ്.എല്‍.സി ഫലം നേരത്തെ പ്രസിദ്ധീകരിച്ചതിലൂടെ കുട്ടികള്‍ക്ക് 50 പ്രവൃത്തി ദിനങ്ങള്‍ അധികമായി ലഭിച്ചു. ഇതര സംസ്ഥാനത്തും വിദേശത്തും പഠനത്തിനായി പോയ വിദ്യാര്‍ഥികള്‍ക്ക് ഇത് ഗുണകരമായെന്നും മന്ത്രി അറിയിച്ചു.