കൊച്ചി: അന്തരിച്ച സി.പി.എം നേതാവ് കോടിയേരി ബാലകൃഷ്ണന് അനുശോചനം രേഖപ്പെടുത്തിയ പോസ്റ്റിനു താഴെ മോശം കമന്റിട്ട കോണ്‍ഗ്രസ് പ്രവര്‍ത്തകനെ പൊലിസ് കസ്റ്റഡിയിലെടുത്തു. പോഞ്ഞാശ്ശേരി നായര്‍ കവലയില്‍ ഫ്രൂട്ട്‌സ് കട നടത്തുന്ന ചിറയത്ത് വീട്ടില്‍ ഇബ്രാഹിമിനെയാണ് പെരുമ്പാവൂര്‍ പൊലിസ് കസ്റ്റഡിയിലെടുത്തത്. മുഖ്യമന്ത്രി പിണറായി വിജയന്റെ അനുശോചന സന്ദേശം ഷെയര്‍ ചെയ്ത പോസ്റ്റിനു താഴെ ഇയാള്‍ മോശം സന്ദേശം എഴുതിയെന്ന സി.പി.എം പ്രവര്‍ത്തകരുടെ പരാതിയെ തുടര്‍ന്നാണ് പൊലിസ് ഇബ്രാഹിമിനെ കസ്റ്റഡിയിലെടുത്തത്.