അല്‍ അസ്ഹറില്‍ പഠിക്കാന്‍ 25കാരന്‍ സൈക്കിളോടിച്ചത് 4,000 കി.മി

കെയ്‌റോ: തന്റെ സ്വപ്‌ന സര്‍വകലാശാലയില്‍ പഠിക്കാന്‍ ആഫ്രിക്കയിലെ ഗുനിയയില്‍നിന്ന് 25കാരന്‍ സൈക്കിള്‍ ഓടിച്ചത് 4,000 കി.മി. ഈജിപ്തിലെ അല്‍ അസ്ഹര്‍ സര്‍വകലാശാലയില്‍ പഠിക്കാനാണ് മമാദൗ സഫായൊ ബാരി ആറു രാജ്യങ്ങളിലൂടെ സൈക്കിളില്‍ യാത്ര ചെയ്തത്. മോശം കാലാവസ്ഥയും മറ്റും അതിജീവിച്ച് നാലു മാസം എടുത്തായിരുന്നു യാത്ര.

അല്‍ അസ്ഹര്‍ സര്‍വകലാശാലയില്‍ ഇസ് ലാമിക് സ്റ്റഡീസിനാണ് 25കാരനായ മമാദൗക്ക് പ്രവേശനം ലഭിച്ചത്. എന്നാല്‍ വിമാനടിക്കറ്റിന് പണം ഇല്ലായിരുന്നു. ഇതിനിടെ കെയ്‌റോയിലെത്തിയാല്‍ സ്‌കോളര്‍ഷിപ്പ് ലഭിക്കുമെന്ന് സര്‍വകലാശാല അറിയിച്ചു.

ഗുനിയയില്‍നിന്ന് മാലി, ബുര്‍കിനാഫാസോ, ടോഗോ, ബെനിന്‍, നൈജര്‍, ചാഡ് രാജ്യങ്ങളിലൂടെയായിരുന്നു യാത്ര. മാലി, ബുര്‍കിനാ ഫാസോ, നൈജര്‍ എന്നിവിടങ്ങളിലെ ആഭ്യന്തര കലാപങ്ങള്‍ ഇതിനിടെ അതിജീവിച്ചു. ബുര്‍കിനാ ഫാസോയിലും ടോഗോയിലുമായി മൂന്നു തവണ അറസ്റ്റ് ചെയ്യപ്പെട്ടു.
ചാഡില്‍വച്ച് ഒരു മാധ്യമപ്രവര്‍ത്തകനുമായുള്ള അഭിമുഖത്തിലാണ് വിവരങ്ങള്‍ പുറത്തായത്. തുടര്‍ന്ന് മമാദൗവിന്റെ യാത്ര വൈറലായി. ലോകത്തിന്റെ വിവിധ ഭാഗങ്ങളില്‍നിന്ന് അല്‍ അസ്ഹറില്‍ പഠിക്കാന്‍ വിദ്യാര്‍ഥികളെത്തുന്നുണ്ട്. ഇവര്‍ക്ക് സംരക്ഷണവും വിദ്യാഭ്യാസവും ഗ്രാന്റും യൂനിവേഴ്‌സിറ്റി നല്‍കു