കോട്ടയം: കൈക്കൂലി വാങ്ങുന്നതിനിടെ കടുത്തുരുത്തി പൊലിസ് സ്റ്റേഷനിലെ ഗ്രേഡ് എസ്.ഐ അറസ്റ്റില്‍. ഗ്രേഡ് എസ്.ഐ അനില്‍കുമാറാണ് അറസ്റ്റിലായത്.

ഗാര്‍ഹിക പീഡന കേസില്‍ ജാമ്യത്തിനു വേണ്ടി സ്റ്റേഷന് മുന്നില്‍ വച്ച് കൈക്കൂലി വാങ്ങുമ്പോള്‍ ആയിരുന്നു അറസ്റ്റ്. പാലക്കാട് സ്വദേശിയായ യുവാവിന്റെ പരാതിയിലാണ് അറസ്റ്റ്.

ഇയാളില്‍നിന്ന് 20000 രൂപ അനില്‍കുമാര്‍ കൈക്കൂലിയായി വാങ്ങിയിരുന്നു. ഇന്ന് 5000 രൂപ ആവശ്യപ്പെട്ടപ്പോഴാണ് വിനോയ് വിജിലന്‍സിനെ അറിയിച്ചത്. കാല്‍ലക്ഷം രൂപ ഗ്രേഡ് എസ്‌ഐയുടെ പക്കല്‍നിന്ന് കണ്ടെത്തി.