കൊച്ചി: വിവിധ സംസ്ഥാനങ്ങളിലെ ഫോര്‍വേഡ് ബ്ലോക്ക് പ്രവര്‍ത്തകരും നേതാജി അനുയായികളും ഒത്തുചേര്‍ന്ന് ഓള്‍ ഇന്ത്യാ ഫെഡറല്‍ബ്ലോക്ക് രൂപീകരിച്ചതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
കേരളം, തമിഴ്‌നാട്, ബംഗാള്‍, ആന്ധ്രാപ്രദേശ്, ഗുജറാത്ത്, പോണ്ടിച്ചേരി, കര്‍ണ്ണാടക തുടങ്ങിയ സംസ്ഥാനങ്ങളിലെ ഫോര്‍വേഡ് ബ്ലോക്ക് പ്രവര്‍ത്തകരാണ് ആള്‍ ഇന്ത്യാ ഫെഡറല്‍ബ്ലോക്കായി ദേശീയതലത്തില്‍ പ്രവര്‍ത്തിക്കാന്‍ തീരുമാനിച്ചത്. കേരളത്തില്‍ ഫെഡറല്‍ബ്ലോക്ക് ഇടതുപക്ഷത്തെ പിന്തുണക്കുമെന്ന് ഫെഡറല്‍ ബ്ലോക്ക് ദേശീയ കമ്മിറ്റി ചെയര്‍മാന്‍ എം.പി ജോര്‍ജ്ജ് പറഞ്ഞു. ദേശീയ ജനറല്‍ സെക്രട്ടറി ടി.എ അനന്തമുരുകന്‍, പി ത്യാഗരാജന്‍, ആര്‍.ടി സെന്തില്‍കുമാര്‍, എസ് ലക്ഷ്മണ തേവര്‍ തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.