എന്‍.ഐ.ടി കാലിക്കറ്റില്‍ പി.എച്ച്.ഡി; ആറ് സ്‌കീമുകാര്‍ക്ക് അവസരം; ഇപ്പോള്‍ അപേക്ഷിക്കാം

നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിക്ക് കീഴിലുള്ള കാലിക്കറ്റ് എന്‍.ഐ.ടിയില്‍ വിവിധ സ്‌കീമുകളില്‍ 2023 ഡിസംബറിലെ പി.എച്ച്.ഡി പ്രവേശനത്തിന് അപേക്ഷ ക്ഷണിച്ചു. താല്‍പര്യമുള്ള ഉദ്യോഗാര്‍ഥികള്‍ക്ക് നവംബര്‍ മൂന്ന് വരെ ഓണ്‍ലൈനായി അപേക്ഷ സമര്‍പ്പിക്കാം. ആകെ വകുപ്പുകളിലായി ആറ് സ്‌കീമുകളിലാണ് അപേക്ഷ ക്ഷണിച്ചിട്ടുള്ളത്.

പഠന വകുപ്പുകള്‍
ആര്‍ക്കിടെക്ചര്‍ ആന്‍ഡ് പ്ലാനിങ്, കെമിക്കല്‍ എന്‍ജിനിയറിങ്, കെമിസ്ട്രി, സിവില്‍ എന്‍ജിനിയറിങ്, കംപ്യൂട്ടര്‍ സയന്‍സ് ആന്‍ഡ് എന്‍ജിനിയറിങ്, ഇലക്ട്രിക്കല്‍ എന്‍ജിനിയറിങ്. ഇലക്‌ട്രോണിക്‌സ് ആന്‍ഡ് കമ്യൂണിക്കേഷന്‍ എന്‍ജിനിയറിങ്, മാത്തമാറ്റിക്‌സ്, മെക്കാനിക്കല്‍ എന്‍ജിനിയറിങ്, ഫിസിക്‌സ്, ബയോടെക്‌നോളജി, മെറ്റീരിയല്‍ സയന്‍സ് ആന്‍ഡ് എന്‍ജിനിയറിങ്, മാനേജ്‌മെന്റ് സ്റ്റഡീസ്.

സ്‌കീമുകള്‍
സ്‌കീം I: (i) ഇന്‍സ്റ്റിറ്റ്യൂട്ട് ഫെലോഷിപ്പ് അല്ലെങ്കില്‍ മറ്റ് ഗവണ്‍മെന്റ് ഫെലോഷിപ്പോടുകൂടിയുള്ള (സി.എസ്.ഐ.ആര്‍യു.ജി.സി. ജെ.ആര്‍.എഫ്., കെ.എസ്.സി.എസ്.ടി.ഇ., ഇന്‍സ്പയര്‍) ബിരുദാനന്തര ബിരുദധാരികള്‍ക്കുള്ള, ഫുള്‍ടൈം പിഎച്ച്.ഡി.

(ii) ഡയറക്ട് പിഎച്ച്.ഡി.: ഫുള്‍ടൈം ഫെലോഷിപ്പോടുകൂടി (ബി.ടെക്കിനുശേഷം, മികച്ച അക്കാദമിക് റെക്കോഡും ഗവേഷണ അഭിരുചിയുമുള്ളവര്‍ക്ക്).

സ്‌കീം II: സെല്‍ഫ് സ്‌പോണ്‍സേര്‍ഡ് വിഭാഗത്തില്‍ ഫുള്‍ടൈം പിഎച്ച്.ഡി.

സ്‌കീം III: വ്യവസായസ്ഥാപനങ്ങളില്‍നിന്നോ, വിദ്യാഭ്യാസ സ്ഥാപനങ്ങള്‍ ഉള്‍പ്പെടെയുള്ള ഓര്‍ഗനൈസേഷനുകളില്‍നിന്നോ സ്‌പോണ്‍സര്‍ചെയ്യുന്ന വിദ്യാര്‍ഥികള്‍ക്കുള്ള ഫുള്‍ടൈം പിഎച്ച്.ഡി.

സ്‌കീം IV: കോഴിക്കോട് എന്‍.ഐ.ടി.യിലെ സ്ഥിരംജീവനക്കാര്‍/ ഫണ്ടഡ് റിസര്‍ച്ച് പ്രോജക്ടുകളില്‍ ജോലിചെയ്യുന്ന റിസര്‍ച്ച് സ്റ്റാഫ് എന്നിവര്‍ക്ക്.

സ്‌കീം V: വ്യവസായസ്ഥാപനത്തില്‍നിന്നോ, വിദ്യാഭ്യാസ സ്ഥാപനങ്ങള്‍ ഉള്‍പ്പെടെയുള്ള ഓര്‍ഗനൈസേഷനുകളില്‍നിന്നോ എക്‌സ്‌റ്റേണല്‍ (പാര്‍ട്ട് ടൈം) പിഎച്ച്.ഡി. ചെയ്യാന്‍ താത്പര്യപ്പെടുന്ന ബിരുദാനന്തര ബിരുദധാരികള്‍ക്ക്.

സ്‌കീം VI: ബിരുദാനന്തരബിരുദം ഇല്ലാത്ത, വ്യവസായ സ്ഥാപനത്തില്‍/ ആര്‍ ആന്‍ഡ് ഡി ലാബുകളില്‍/മെഡിക്കല്‍ സ്ഥാപനങ്ങളില്‍ ജോലിചെയ്യുന്ന ഉദ്യോഗാര്‍ഥികള്‍ക്ക് ഡയറക്ട് പിഎച്ച്.ഡി., എക്‌സ്‌റ്റേണല്‍ (പാര്‍ട്ട് ടൈം) പ്രോഗ്രാം.

യോഗ്യത മാനദണ്ഡങ്ങളെക്കുറിച്ചും, ഓണ്‍ലൈന്‍ അപേക്ഷയെക്കുറിച്ചുമുള്ള കൂടുതല്‍ വിവരങ്ങള്‍ക്ക് www.nitc.ac.in സന്ദര്‍ശിക്കുക. ഫോണ്‍: 0495 2286119, 9446930650.

content highlight: Phd admission in calicut nit