ദുബൈ: ഷാര്‍ജ അന്താരാഷ്ട്ര പുസ്തകമേളയില്‍ ഷാരൂഖ് ഖാന്‍ തരംഗം. കഴിഞ്ഞ ദിവസം നഗരിയെ ഇളക്കി മറിച്ച് ബോളിവുഡ് താരം ഷാരൂഖ് ഖാന്‍ എത്തി. സ്വദേശികളടക്കം ആയിരക്കണക്കിന് ആളുകളാണ് താരത്തെ കാണാന്‍ ഷാര്‍ജ എക്‌സ്‌പോ സെന്ററില്‍ തടിച്ചു കൂടിയത്. ജീവിതത്തില്‍ ചതിക്കണമെന്ന് തോന്നുന്ന ഘട്ടത്തില്‍ പോലും വിശ്വസ്തരായിക്കണമെന്നും, മനസില്‍ നന്മ സൂക്ഷിക്കണമെന്നും ഷാരൂഖ് പറഞ്ഞു. അരമണിക്കൂറിലേറെ പുസ്തകമേളയില്‍ കാണികളുമായി സംവദിച്ചു. ഷാര്‍ജ ബുക്ക് അതോറിറ്റി അധികൃതര്‍ ഷാരുഖ് ഖാനെ ആദരിച്ചു.റസൂല്‍ പൂക്കുട്ടിയും മേളയിലെത്തിയിരുന്നു.