ഹരിപ്പാട്: പൊലീസിനെതിരെ ആത്മഹത്യാകുറിപ്പെഴുതിവച്ചശേഷം ആത്മഹത്യ ചെയ്ത കാര്‍ത്തികപ്പള്ളി മുളമൂട്ടില്‍ തെക്കതില്‍ കൃഷ്ണകുമാറിന്റെ വീട് പ്രതിപക്ഷ നേതാവ് രമേശ് ചെന്നിത്തല സന്ദര്‍ശിച്ചു.
പരാതി നല്‍കിയിട്ട് മാര്‍സിസ്റ്റ് പാര്‍ട്ടിയില്‍ നിന്നും പൊലീസില്‍ നിന്നും യാതൊരു നടപടിയും ഉണ്ടാകാഞ്ഞതില്‍ മനം നൊന്താണ് ആത്മഹത്യ ചെയ്തതെന്നാണ് ആത്മഹത്യാ കുറിപ്പില്‍ നിന്നും വ്യക്തമാകുന്നതെന്ന് രമേശ് ചെന്നിത്തല പറഞ്ഞു. ഇത് സംബന്ധിച്ച് ഗവണ്‍മെന്റ് ഗൗരവമായി അന്വേഷണം നടത്തണം. ഇതിന് ഉത്തരവാദികളായ പൊലീസ് ഉദ്യോഗസ്ഥരെ മാതൃകാപരമായി ശിക്ഷിക്കാന്‍ ഗവണ്‍മെന്റ് തയ്യാറാകണം. കേസ് തേച്ച്മായ്ച്ച് കളയാനുള്ള ഒരു നടപടിയും അംഗീകരിക്കില്ല. കുടുംബത്തിന് പത്ത് ലക്ഷം രൂപയെങ്കിലും നഷ്ടപരിഹാരം നല്‍കണമെന്നും അദ്ദേഹം ആവശ്യപ്പെട്ടു.