പൊന്നാനി: 'പൈതൃക ബോധം അടയാളപ്പെടുത്തുക' എന്ന സന്ദേശവുമായി എസ്.കെ.എസ്.എസ്.എഫ് ത്വലബാ വിങ് സംസ്ഥാന വ്യാപകമായി ആചരിക്കുന്ന കാംപയിനിന്റെ പ്രഖ്യാപനവും ലോഗോ പ്രകാശനവും ഇന്ന് പുതുപൊന്നാനിയില്‍ നടക്കും.  
വൈകീട്ട് നാലിന് എം.ഐ അറബിക് കോളജ് കാംപസില്‍ നടക്കുന്ന ചടങ്ങ് എം.വി ഇസ്മാഈല്‍ മുസ്‌ലിയാര്‍ ഉദ്ഘാടനം ചെയ്യും. പൊന്നാനി മഖ്ദൂം സയ്യിദ് എം.പി മുത്തുക്കോയ തങ്ങള്‍ ലോഗോ പ്രകാശനം ചെയ്യും. ഇബാദ് ഇന്‍ഫര്‍മേഷന്‍ സെന്റര്‍ വൈസ് ചെയര്‍മാന്‍ അബ്ദുല്‍ ജലീല്‍ റഹ്മാനി പ്രമേയ പ്രഭാഷണം നടത്തും. സയ്യിദ് അഹ്മദ് ബാഫഖി തങ്ങള്‍, പുറങ്ങ് അബ്ദുല്ല മൗലവി, ടി.വി അബ്ദുറഹ്മാന്‍ കുട്ടി മാസ്റ്റര്‍, പി.വി.എം കുട്ടി ഫൈസി, ശഹീര്‍ അന്‍വരി, സി.പി ബാസിത് ഹുദവി, ഹബീബ് വരവൂര്‍, ഉവൈസ് പതിയങ്കര, സഅദ് വെളിയങ്കോട്, ടി.കെ.എം ശമീര്‍ ഹുദവി, അബ്ദുല്‍ ഗഫൂര്‍ പൊന്നാനി തുടങ്ങിയവര്‍ സംബന്ധിക്കും.