ബ്രസീലിയന്‍ താരം നെയ്മര്‍ അടുത്ത സമ്മറില്‍ നടക്കുന്ന കോപ അമേരിക്ക ടൂര്‍ണമെന്റിലും ഉണ്ടാകില്ല. നെയ്മറിന്റെ തിരിച്ചുവരവ് വൈകും എന്നും കോപ അമേരിക്ക താരത്തിന് നഷ്ടമാകും എന്നും അദ്ദേഹത്തെ ചികിത്സിക്കുന്ന ബ്രസീലിയന്‍ ഡോക്ടര്‍ പറഞ്ഞു. അടുത്ത ഓഗസ്റ്റിലേക്ക് നെയ്മര്‍ തിരികെ കളത്തില്‍ എത്തും എന്നാണ് പ്രതീക്ഷ എന്നും ഡോക്ടര്‍ പറഞ്ഞു .

ശസ്ത്രക്രിയ കഴിഞ്ഞ നെയ്മര്‍ ഇപ്പോള്‍ പൂര്‍ണ്ണ വിശ്രമത്തിലാണ്. ലോകകപ്പ് യോഗ്യത മത്സരത്തില്‍ ഉറുഗ്വേക്ക് എതിരെ കളിക്കുമ്പോള്‍ ആയിരുന്നു നെയ്മറിന് പരിക്കേറ്റത്. എ സി എല്‍ ഇഞ്ച്വറി ആണ്. നെയ്മര്‍ അവസാന സീസണുകളില്‍ എല്ലാം പരിക്ക് കാരണം ഏറെ ബുദ്ധിമുട്ടിയിരുന്നു. 6 മാസത്തോളം പരിക്ക് കാരണം പുറത്തിരുന്ന നെയ്മര്‍ തിരികെയെത്തി ഒരു മാസം കൊണ്ട് വീണ്ടും പരിക്കേല്‍ക്കുക ആയിരുന്നു. അല്‍ ഹിലാലിനൊപ്പം പുതിയ സീസണ്‍ ആകുമ്പോഴേക്ക് ചേരുക എന്നതാണ് നെയ്മറ്റ് ഇപ്പോള്‍ ലക്ഷ്യമിടുന്നത്.

കോപ്പക്ക് നെയ്മറില്ല; ബ്രസീലിന് തിരിച്ചടി