കണ്ണ് പരിശോധനക്കായി ആശുപത്രിയിലെത്തിയ 10 വയസ്സുകാരിക്ക് നേരെ ലൈംഗികാതിക്രമം; പ്രതി പിടിയില്‍

തിരുവനന്തപുരം: നെയ്യാറ്റിന്‍കര ജില്ലാ ജനറല്‍ ആശുപത്രിയില്‍ 10 വയസുകാരിക്ക് നേരെ ലൈംഗികാതിക്രമം നടത്തിയ പ്രതിയെ നാട്ടുകാര്‍ ഓടിച്ചിട്ട് പിടികൂടി. അതിക്രമം നടത്തിയ ഉദിയന്‍ കുളങ്ങര സ്വദേശി സതീഷിനെയാണ് നാട്ടുകാര്‍ പിടികൂടി പൊലിസിലേല്‍പ്പിച്ചത്.

കണ്ണ് ചികിത്സക്കായി ആശുപത്രിയിലെത്തിയതായിരുന്നു കുട്ടി. കണ്ണില്‍ മരുന്ന് ഒഴിച്ച് കണ്ണടച്ച് ഇരിക്കുന്നതിനിടെ സതീഷ് കുട്ടിയെ ഉപദ്രവിച്ചെന്നാണ് പരാതി. കുട്ടി ബഹളം വെച്ചതോടെ ഇയാള്‍ ഓടി രക്ഷപ്പെടാന്‍ ശ്രമിക്കുകയായിരുന്നു.