മുംബൈ: യുപിഎസഖ്യം ഉടനില്ലെന്ന് വ്യക്തമാക്കി മമതാ ബാനര്‍ജി. എന്ത് യു.പി.എ എന്നു ചോദിച്ച അവര്‍, യു.പി.എ സഖ്യം ഇപ്പോഴില്ലെന്നും പറഞ്ഞു. എന്‍.സി.പി നേതാവ് ശരദ് പവാറുമായി മുംബൈയില്‍ കൂടിക്കാഴ്ച നടത്തിയശേഷം മാധ്യമങ്ങളോട് സംസാരിക്കുകയായിരുന്നു അവര്‍.

കൂടുതല്‍ സംസ്ഥാനങ്ങളില്‍ വേരുറപ്പിക്കുന്നതിന്റെ ഭാഗമായി മൂന്നു ദിവസത്തെ സന്ദര്‍ശനത്തിനായി മുംബൈയിലെത്തിയതായിരുന്നു മമത. എന്‍.സി.പി, ശിവസേന നേതാക്കളുമായി അവര്‍ ചര്‍ച്ച നടത്തുന്നുണ്ട്. നിലവിലെ ഫാഷിസ്റ്റ് ശക്തികള്‍ക്കെതിരെ ആരും പോരാടുന്നില്ലെന്നും ശക്തമായ ബദല്‍ സംവിധാനം ഉയര്‍ന്നുവരുന്നതിനുള്ള കൂടിയാലോചനകള്‍ നടക്കണമെന്നും വ്യക്തമാക്കി.